Абрахам Кібіват

Абрахам Кібіват
Агульная інфармацыя
Пол	мужчынскі пол
Спецыялізацыя	3000 metres steeplechase[d]
Нарадзіўся	4 чэрвеня 1996(1996-06-04) (27 гадоў) ці 6 красавіка 1996(1996-04-06) (28 гадоў) Uasin Gishu County[d], Кенія
Грамадзянства	Кенія
IAAF	14657344
Медыяфайлы на Вікісховішчы

Абрахам Кібіват (англ.: Abraham Kibiwot; нар. 4 чэрвеня 1996 або 6 красавіка 1996, Уазін-Гішу) — кенійскі лёгкаатлет, спецыялізуецца ў бегу з перашкодамі і на доўгія дыстанцыі. Бронзавы прызёр чэмпіянату свету 2023 года і бронзавы прызёр чэмпіянату Афрыкі 2016 года ў бегу на 3000 метраў з перашкодамі. Удзельнік летніх Алімпійскіх гульняў 2020 гады.

Біяграфія

Кібіват дэбютаваў на маладзёжным чэмпіянаце Афрыкі па лёгкай атлетыцы 2013 года, заняўшы пятае месца ў бегу на 2000 метраў з перашкодамі.

У 2015 годзе ён заваяваў залаты медаль на чэмпіянаце Афрыкі па лёгкай атлетыцы сярод юніёраў. Той сезон ён завяршыў з асабістым рэкордам 8:22,10 хвіліны на спаборніцтвах Лонданскай Брыльянтавай лігі.

У сезоне 2016 года кеніец вызначыўся ў Брыльянтавай лізе, стартаваўшы з асабістым рэкордам у 8:09,25 хвіліны і заняўшы трэцяе месца ў горадзе Доха. У гэтым жа годзе ён быў другім пасля Іезекііля Кембоя ў Пекіне і выйграў свой першы турнір на Athletissima ў Лазане. На нацыянальным адборачным турніры да летніх Алімпійскіх гульняў 2016 года Кібібот не змог кваліфікавацца на старт чатырохгоддзя.

На чэмпіянаце Афрыкі па лёгкай атлетыцы 2016 года кеніец заваяваў свой першы медаль — бронзавы, саступіўшы эфіопам Чале Беё і Таласэ Нургі.

У 2019 годзе на чэмпіянаце свету ў Катары Кібіват заняў выніковае сёмае месца. У 2021 годзе Абрахам прыняў удзел у летніх Алімпійскіх гульнях у Токіа. У стыпль-чэзе з вынікам 8:19,41 ён прыйшоў да фінішу фіналу 10-м.

На чэмпіянаце свету 2022 года ў ЗША, у стыпль-чэзе Кібіват заняў пятае месца з вынікам 8:28,95.

22 жніўня 2023 года заваяваў бронзавы медаль у стыпль-чэзе на чэмпіянаце свету. У Будапешце ён прабег за 8:11,98 хвілін.