Фуксія балівійская

Фуксія балівійская

Фуксія балівійская (лац. Fuchsia boliviana) — від раслін з сямейства кіпрэйных (Onagraceae). Вызначаецца доўгімі кветкамі манатоннага каралава-чырвонага колеру, згрупаваных гроздзямі на сцябле. Завязаныя кветкі ўтвараюць шматлікія мясістыя цыліндрычнай формы плады, якія па меры паспявання ператвараюцца з пачатковага светла-зялёнага колеру ў чорна-фіялетавы. Лісце светла-зялёнае. Расліны звычайна ўтвараюць групы, разрастаючыся да густых хмызнякоў.

Радзімай віда з'яўляецца Балівія, балівійская фуксія расце звычайна ў гарыстай мясцовасці на вышынях ад 2000 да 3000 метраў над узроўнем мора.

Адчувальная да холаду расліна, таму культывацыя віда ў Еўропе магчыма выключна ў цяплічных умовах.

---

• На Вікісховішчы ёсць медыяфайлы па тэме Фуксія балівійская