Тамара Віктараўна Габрусь

Тамара Віктараўна Габрусь (н. 2 кастрычніка 1945, Мінск —) — беларускі гісторык архітэктуры і мастацтвазнавец, доктар мастацтвазнаўства (2002). Даследуе мастацтвазнаўчыя праблемы беларускага дойлідства эпохі феадалізму, мураваную архітэктуру і манументальнае мастацтва беларускага барока. Разам з Г. Галенчанкам увяла ў навуковы ўжытак і атрыбутавала першыя на тэрыторыі Цэнтральнай і Усходняй Еўропы архітэктурна-праектныя чарцяжы XVI ст. з Нясвіжа. Аўтар навуковых прац, сцэнарыяў да відэафільмаў, зборнікаў вершаў.

У 1968 скончыла Беларускі політэхнічны інстытут, у 1974—1980 працавала ў выдавецтве «Беларуская Энцыклапедыя». З 1983 старшы, а з 2003 — вядучы навуковы супрацоўнік Інстытута мастацтвазнаўства, этнаграфіі і фальклору НАНБ. З 2003 член Савета па манументальным мастацтве СМ РБ.

Працы

• Збор помнікаў гісторыі і культуры Беларусі. Т. 1-7, 1979—1987 (у сааўтарстве)
• Гісторыя беларускага мастацтва. Т. 1-7, 1987—1994 (у сааўтарстве)
• Архітэктура Беларусі. Энцыклапедычны даведнік. 1993 (у сааўтарстве)
• Скарына і яго эпоха. 1990
• Барока ў беларускай культуры і мастацтве. 1998, 2000 (у сааўтарстве)
• Мастацтва бачыць свет. Падручнік для сярэдняй школы. 2000
• Страчаная спадчына. 1997, 2003 (у сааўтарстве, аўтар-укладальнік)
• Саборы помняць усё: Готыка і рэнесанс у сакральным дойлідстве Беларусі. — Мн.: Беларусь, 2007. — 167 с.: іл. ISBN 978-985-01-0714-5

Літаратура

• Вялікае княства Літоўскае: Энцыклапедыя. У 2 т. Т.1. Мінск, 2006. ISBN 985-11-0314-4