Інтэрнацыянальная вуліца (Гомель)

Вуліца Інтэрнацыянальная (был. Кавальская)- вуліца размешчаная ў цэнтральным раёне горада Гомеля. Названая ў 1920-я гады. Працягласць каля 1120 м, ад Праспекта Леніна да Кавальскага пуцеправода.

Перасякае вуліцы

• Праспект Леніна
• Катуніна
• Гагарына
• Маісеінкі
• Фрунзэ
• Талстога

Гісторыя

Як вуліца пачала забудоўвацца ў 1-й палове 19 стагоддзя цаглянымі і драўлянымі хатамі сядзібнага тыпу. У канцы 19 - пач. 20 ст. на вуліцы знаходзіліся шматлікія майстэрні, гандлёвыя прадпрыемствы, заводы лакавы і чыгуналіцейны (цяпер станкабудаўнічы завод ім. З. М. Кірава). Кавальская вуліца, на якой пражывала значная частка працоўных, была месцам збораў і сходак. У гады Вялікай Айчыннай вайны вуліца моцна разбураная. Сучасная забудова прадстаўленая дамамі (пераважна. жылымі) рознай паверхавасці з убудаванымі на першых паверхах крамамі. На вуліцы размешчаныя вытворчыя, і адміністрацыйныя карпусы швейнага ПА "Камінтэрн", хлебазавода № 1, заводадов вымеральных прыбораў і завода імя З. М. Кірава, крамы, сярэдняя школа № 19, інтэрнаты завода ім. Кірава і дарожна-будаўнічага тэхнікума, лазня № 3.