Беларуска-амерыканскае аб’яднанне

Беларуска-амерыканскае аб'яднанне (БАА) — грамадская арганізацыя Нью-Ёрку, якая займаецца культурна-асветнай дзейнасцю сярод беларускіх эмігрантаў у ЗША.

БАА заснавана ў 1965, у 1969 далучылася да Кангрэса беларусаў Амерыкі.

Асноўныя мэты: пашыраць і падрымліваць ідэалы амерыканскай канстытуцыі, распаўсюджваць інфармацыю пра Беларусь, аказваць дапамогу сябрам арганізацыі. БАА ладзіць літаратурныя вечары, курсы для моладзі, адзначае беларускія гістарычныя ўгодкі. Выдае інфармацыйныя лістоўкі, прэс-рэлізы.

Кіраўніцтва: К. Марляк, В. Шчэцька і інш.

Літаратура

• Кіпель В. Беларуска-амерыканскае аб'яднанне // БелЭн у 18 т. Т. 2. - Мн., 1996.