Адольф Рудольфавіч Больм

Адольф Рудольфавіч Больм
Дата нараджэння	25 верасня 1884(1884-09-25)
Месца нараджэння	Санкт-Пецярбург, Расійская імперыя
Дата смерці	16 красавіка 1951(1951-04-16) (66 гадоў)
Месца смерці	Лос-Анджэлес, ЗША
Грамадзянства	Расійская імперыя  ЗША
Адукацыя	Акадэмія рускага балета імя А. Я. Ваганавай
Прафесія	харэограф, балетмайстар, артыст балета, танцор
IMDb	ID 0093205
Сайт	adolphbolm.com
Медыяфайлы на Вікісховішчы

Адольф Рудольфавіч Больм (англ.: Adolph Bolm; 25 верасня 1884, Санкт-Пецярбург, Расійская імперыя — 16 красавіка 1951, Лос-Анджэлес, ЗША) — амерыканскі танцоўшчык рускага паходжання, балетмайстар і педагог балета.

Біяграфія

Нарадзіўся 25 верасня 1884 года ў Санкт-Пецярбургу. У 1903 годзе скончыў балетнае аддзяленне Пецярбургскага тэатральнага вучылішча (клас Платона Карсавіна). Пасля заканчэння вучылішча паступіў у балетную трупу Марыінскага тэатра, дзе дэбютаваў у сольнай партыі — Сіняя птушка («Спячая прыгажуня»).

У 1908 годзе партнёр Ганны Паўлавай у яе першых замежных гастролях. У 1909—1916 гадах удзельнічаў у Рускіх сезонах Рускага балета Дзягілева і меў вялікі поспех у партыі Лучніка ў «Палавецкіх скоках». Сярод асноўных роляў: Царэвіч («Жар-птушка»), Амун («Клеапатра»), П’еро («Карнавал»), Падарожнік («Тамара»).

У 1916 годзе пераехаў у ЗША, а ў 1917 годзе арганізуе трупу Інтымны балет (Ballet Intime), выступаючы ў ёй у якасці рэжысёра і танцоўшчыка. Працаваў у якасці харэографа-фрылансера ў тэатрах Нью-Ёрка, Чыкага, Буэнас-Айрэса. Першым ажыццявіў пастаноўку балетаў «Апалон Мусагет» (кампазітар І. Стравінскі, Вашынгтон, 1928) і «Пеця і Воўк» (на музыку С. Пракоф’ева, Амерыканскі тэатр балета, 1940).

З’яўляўся харэографам у шэрагу амерыканскіх кінафільмаў. У апошнія гады жыцця выкладаў у Галівудзе.

Памёр 16 красавіка 1951 года ў Лос-Анджэлесе, у ЗША.