Акула-нянька

З пляцоўкі Вікіпедыя
Jump to navigation Jump to search
Акула-нянька
Nurse shark.jpg
Навуковая класіфікацыя
Міжнародная навуковая назва

Ginglymostoma cirratum Bonnaterre, 1788

Арэал

выява

Ахоўны статус
Status none DD.svg:en:Data Deficient
Недастаткова даных
IUCN Data Deficient : / 60223
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  159977
NCBI  7801
EOL  994810

Акула-нянька (Ginglymostoma cirratum) — адзіны прадстаўнік роду вусатых акул-нянек (Ginglymostoma) сямейства вусатыя акулы.

Мае аднастайную жоўта-карычневую афарбоўку. Можа дасягаць 4 метраў у даўжыню, але звычайна не перавышае 2,5-3 метраў. Трымаецца на глыбіні ад 0,5 да 3 метраў, можа збірацца ў статкі да 40 асобін.

Вусатыя акулы-нянькі нікога не няньчаць, а назва «nursе» — нянька — з’явілася ў выніку скажэння першапачатковага «nuss», сцвярджае Оксфардскі слоўнік. Таксама назва можа паходзіць ад факта, што вусатыя акулы не адкладаюць ікру, а нараджаюць акулят, апладненне ў іх унутранае: самец падплывае да самкі, хапае за грудны плаўнік, куляе на спіну, уводзіць у яе капулятыўны орган, апладняе і скатваецца з самкі, пасля чаго можа паляжаць побач з ёй ці сплыць. Пашырана апладненне адной самкі паслядоўна некалькімі самцамі. Яйкі саспяваюць унутры мамы-акулы, тамсама вылупляюцца трыццацісантыметровыя дзіцяняты, адразу 20-30 асобін, якія нараджаюцца ў ваду. Растуць малечы марудна, падлеткі прыбаўляюць за год каля 13 см, а памнажацца могуць толькі ва ўзросце 10-15 (самцы), 15-20 (самкі) гадоў.

Акулы-нянькі жывуць на малой глыбіні, але могуць заплываць і на сто з лішкам метраў углыб, яны трымаюцца аднага сховішча, дзе адпачываюць удзень вялікімі групамі, цесна лежачы на рыфах ці скалах, не любяць адплываць далёка і, наогул, не асабліва спрытныя (плывуць са скорасцю каля 30-70 см за секунду). Яны харчуюцца крабамі, васьміногамі, малюскамі і дробнымі шустрымі рыбамі. Вусатыя акулы могуць поўзаць па дне, абмацваючы скалы і пясок «вусамі», а часам нават ляжаць, прыўзняўшы пашчу і абапіраючыся на дно плаўнікамі. Як толькі здабыча плыве міма, акула засмоктвае яе ў глотку. Як правіла, акулы-нянькі бяспечныя для чалавека. Аднак зарэгістравана некалькі выпадкаў нападзенняў, справакаваных самімі купальшчыкамі.