Alectoria Ach., 1810
Алекторыя (Alectoria) — род лішайнікаў сямейства пармеліевых.
Слаявіна ніткаватая, разгалінаваная, звісае, або ўзнімаецца над субстратам, белавата-зялёная, жаўтаватая ці шаравата-карычневая. Пладовыя целы бакавыя, па краі слаявіны. Сумкі палкападобныя з 2—4—8 спорамі.
На Беларусі найбольш пашыраныя алекторыя шчацінкападобная (Alectoria setacea) і алекторыя пераблытаная (Alectoria nidulifera). Растуць на кары дрэў у хвойных і мяшаных лясах. Спараносяць у вільготны перыяд зімой і летам.
Індыкатарныя расліны.
