Аляксандр Стральцоў

Аляксандр Стральцоў
Намеснік старшыні партыі БНФ 30 верасня 2017 — май 2019
Нараджэнне	27 снежня 1970(1970-12-27) (53 гады) Мінск, БССР, СССР
Партыя	Партыя БНФ
Адукацыя	БДПА (1993)
Дзейнасць	палітык

Алякса́ндр Стральцо́ў (нар. 27 снежня 1970, Мінск, БССР, СССР) — беларускі грамадскі і палітычны актывіст. Намеснік старшыні Партыі БНФ (2017—2019).

Біяграфія

У 1993 годзе скончыў Беларускую дзяржаўную політэхнічную акадэмію. У 1996—1999 гадах вучыўся на аспірантуры Навукова-даследчага інстытута эканомікі Міністэрства эканомікі Рэспублікі Беларусь па секцыі «Рэгіянальная эканоміка».

Цяпер выкладчык Цэнтра бізнес-адукацыі Еўрапейскага гуманітарнага ўніверсітэта (Вільнюс).

Рыма-каталік. Жанаты, мае 4 дзяцей.

Грамадская дзейнасць

У 1990—1999 гадах быў членам БНФ «Адраджэнне» — Партыі БНФ. Быў намеснікам старшыні Маладзёжнай Фракцыі БНФ у 1994—1996 гадах. Член Сойма Партыі БНФ. Паміж 1999—2003 гадамі праз нязгоду з падзелам арганізацыі выйшаў з партыі. У 2003—2007 гадах — намеснік старшыні Міжнароднай камісіі, у 2009—2011 — старшыня Камісіі партыйнага навучання Партыі БНФ.

У маі 2019 года пакінуў Партыю БНФ праз нязгоду з рашэннем старшыні партыі Рыгора Кастусёва ўзяць удзел у гей-парадзе ў Вільні (Літва). Станам на 2023 год не вядзе палітычнай дзейнасці.