Артур Гегамавіч Едыгаран

З пляцоўкі Вікіпедыя
(Пасля перасылкі з Артур Едыгаран)
Jump to navigation Jump to search
Футбол
Артур Едыгаран
Arthur Yedigaryan.jpg
Агульная інфармацыя
Поўнае імя Артур Гегамавіч Едыгаран
Нарадзіўся 26 чэрвеня 1987(1987-06-26)[1] (32 гады)
Грамадзянства Flag of Armenia.svg Арменія
Рост 175 см
Вага 68 кг
Пазіцыя паўабаронца
Інфармацыя пра клуб
Клуб Арменія Алашкерт
Нумар 6
Кар’ера
Клубная кар’ера*
2006 — 2012 Арменія Пюнік (Ерэван) 68 (9)
2010 — 2011   Іран ПАС (Хамадан) 38 (4)
2011   Арменія Бананц (Ерэван) 17 (4)
2012 Расія Хімкі 8 (1)
2012 Арменія Пюнік (Ерэван) 3 (1)
2012 — 2013 Украіна Гаверла (Ужгарад) 19 (0)
2013 — 2014 Казахстан Кайрат (Алматы) 38 (1)
2015 Беларусь Дынама (Мінск) 14 (1)
2016 — 2019 Арменія Алашкерт (Мартуні) 86 (7)
2019 Сербія Пролетар (Нові-Сад) 3 (0)
2019 — Арменія Алашкерт (Мартуні) 1 (0)
Нацыянальная зборная**
2005 Арменія Арменія (да 19) 3 (0)
2006 — 2008 Арменія Арменія (да 21) 7 (0)
2008 — 2015 Арменія Арменія 41 (0)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 1 верасня 2019.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 1 верасня 2019.

Артур Едыгаран (арм.: Արթուր Գեղամի Եդիգարյան; нар. 26 чэрвеня 1987, Ерэван) — армянскі футбаліст, паўабаронца клуба «Алашкерт» і нацыянальнай зборнай Арменіі.

Кар’ера[правіць | правіць зыходнік]

Клубная[правіць | правіць зыходнік]

Нарадзіўся ў футбольнай сям’і і сам з 6 гадоў займаўся футболам. Выхаванец футбольнай школы ерэванскага «Пюніка», з 2006 года выступаў за асноўны склад клуба, разам з якім выйграў мноства ўнутраных трафеяў. З 2010 года на правах арэнды гуляў у іранскім клубе ПАС. Пасля вяртання з Ірана зноў быў аддадзены ў арэнду, на гэты раз у «Бананц».

У пачатку 2012 года цікавасць да Едыгарана сталі праяўляць падмаскоўныя «Хімкі». 24 лютага 2012 года ён падпісаў кантракт з гэтым клубам. У чэрвені 2012 года пакінуў «Хімкі» і на кароткі час вярнуўся ў «Пюнік», але ўжо ў жніўні таго ж года стаў іграком ужгарадскай «Гаверлы», у якой правёў увесь сезон 2012/13. Улетку 2013 года перайшоў у «Кайрат», з якім двойчы выйграваў бронзавыя медалі чэмпіянату Казахстана.

У лютым 2015 года прыбыў на прагляд у мінскае «Дынама». 17 сакавіка 2015 года падпісаў кантракт з дынамаўцамі[2]. У першай палове сезона 2015 быў асноўным апорным паўабаронцам каманды, але са жніўня страціў месца ў аснове і стаў з’яўляцца на полі толькі эпізадычна. У снежні 2015 года па заканчэнні кантракта пакінуў «Дынама»[3].

У студзені 2016 года вярнуўся на радзіму, стаўшы іграком «Алашкерта»[4]. Дапамог «Алашкерту» ўпершыню ў гісторыі выйграць чэмпіянат Арменіі, пасля двойчы паўтараў з клубам гэты поспех.

У ліпені 2019 года пакінуў «Алашкерт» у якасці свабоднага агента і перайшоў у сербскі клуб «Пролетар». Аднак, згуляў за яго толькі ў трох матчах і ў жніўні 2019 года вярнуўся ў «Алашкерт».

Міжнародная[правіць | правіць зыходнік]

Гуляў за моладзевую зборную Арменіі. 2 лютага 2008 года дэбютаваў у нацыянальнай зборнай Арменіі ў таварыскім матчы супраць Мальты.

Дасягненні[правіць | правіць зыходнік]

  • Арменія 01Чэмпіён Чэмпіён Арменіі (7): 2006, 2007, 2008, 2009, 2016, 2017, 2018
  • Арменія Уладальнік Суперкубка Арменіі (3): 2007, 2008, 2016
  • Арменія Уладальнік Кубка Арменіі (2): 2009, 2019
  • Казахстан 03Бронзавы прызёр Бронзавы прызёр чэмпіянату Казахстана (2): 2013, 2014
  • Казахстан Уладальнік Кубка Казахстана: 2014
  • Беларусь 02Сярэбраны прызёр Срэбраны прызёр чэмпіянату Беларусі: 2015

Зноскі

Спасылкі[правіць | правіць зыходнік]