Бамба (верш)
| Бамба | |
|---|---|
| Bambo | |
| Аўтар | Юльян Тувім |
| Мова арыгінала | польская |
| Дата першай публікацыі | 1935 |
| Асобнае выданне | 1935 |
| Месца публікацыі | Польшча |
Бамба (польск.: Bambo) — дзіцячы верш Юльяна Тувіма, упершыню апублікаваны ў 1935 годзе ў «Wiadomości Literackie».
Змест[правіць | правіць зыходнік]
Паэма апавядае пра Бамбу — чарнаскурага хлопчыка, які старанна вучыцца ў афрыканскай школе. Калі ён прыходзіць дадому, дык свавольнічае, за што маці называе яго хуліганам. Калі маці прапануе яму малако, ён уцякае і залазіць на дрэва. Калі маці кажа яму прыняць ванну, ён баіцца, што адбеліцца. Аднак маці яго любіць. Верш заканчваецца сцвярджэннем: «шкада, што Бамба чорны, вясёлы, не ходзіць з намі ў школу».
Верш складаецца з 16 радкоў.
Верш «Бамба» быў уключаны ў польскі буквар Мар’яна Фальскага, а таксама ў іншыя падручнікі для пачатковай школы.
Адносіны[правіць | правіць зыходнік]
Некаторыя крытыкі ўспрымаюць верш як абразлівы для чарнаскурых[1]. Іншыя, у сваю чаргу, адзначаюць, што расізм, вядома, не быў намерам аўтара, а гісторыя пра Бамбу выклікае ў дзяцей сімпатыю да афрыканскіх равеснікаў[2].
Беларускі пераклад[правіць | правіць зыходнік]
Верш на беларускую мову пераклалі Анатоль Вялюгін і Сяргей Дзяргай. Ён быў надрукаваны ў зборніку «Качка-дзівачка / Kaczka-dziwaczka. Польская паэзія дзецям» у 2006 годзе[3].
Зноскі
- ↑ Czy «Murzynek Bambo» obraża Afrykanów?, Gazeta Wyborcza, 2019-12-05
- ↑ O Murzynku Bambo raz jeszcze — list, wyborcza.pl 2019-12-05
- ↑ Качка-дзівачка/Kaczka-dziwaczka, Knihi.by