Беларуская хрысціянска-дэмакратычная партыя
Беларуская хрысціянска-дэмакратычная партыя | |
---|---|
Лідар | Мікалай Ігнатавіч Крукоўскі |
Дата заснавання | 1994 |
Дата роспуску | 1999 |
Ідэалогія | хрысціянская дэмакратыя |
Беларуская хрысціянска-дэмакратычная партыя (БХДП) — беларуская партыя хрысціянска-дэмакратычнага кірунку.
Створана ў выніку расколу Беларускай хрысціянска-дэмакратычнай злучнасці. Канферэнцыя БХДП прайшла ў Мінску ў 1994 годзе, зарэгістраваная 21 сакавіка 1995 года. Старшынёй партыі быў выбраны гісторык, філосаф Мікалай Крукоўскі, ягонымі намеснікамі сталі намеснік старшыні БНФ Юрый Хадыка, пісьменнік Язэп Янушкевіч[1], актывістка жаночага руху Людміла Пеціна. БХДП стварыла рэгіянальныя аддзяленні ў большасці вялікіх гарадоў Беларусі, шэраг сябраў БХДП былі выбраныя дэпутатамі мясцовых саветаў (напрыклад, Хрыстафор Жэляпаў і Міхась Шлык у Віцебску)[2].
Не прайшла перарэгістрацыю ў 1999 годзе і была ліквідаваная[3].
Зноскі
- ↑ Архіўная копія(недаступная спасылка). Архівавана з першакрыніцы 4 ліпеня 2020. Праверана 4 ліпеня 2020.
- ↑ Беларуская Хрысціянска-Дэмакратычная Партыя, Хрысціянска-Дэмакратычны Выбар і Маладзёжны Хрысціянска-Сацыяльны Саюз
- ↑ [1], с. 113