Беларускі інстытут навукі і мастацтва

З пляцоўкі Вікіпедыя
Jump to navigation Jump to search

Беларускі Інстытут Навукі і Мастацтва (БІНіМ) у Нью-Ёрку (альтэрн.: Беларускі інстытут навукі й мастацтва, англ.: Belarusian Institute of Arts and Sciences) — грамадская навукова-культурная арганізацыя беларускай эміграцыі ў ЗША.

Заснаваны 16 снежня 1951 г., зарэгістраваны 13 жніўня 1953 г. як арганізацыя са штаб-кватэрай у г. Нью-Ёрк з правам дзейнасці на ўсёй тэрыторыі ЗША. Мае філіялы ў Германіі (Мюнхен, з 1955) і Канадзе (Таронта, з 1967).

Друкаваны орган — навуковы штогоднік «Запісы». У 1954—1963 выдаваў літаратурна-мастацкі часопіс «Конадні», у 1953—1969 — інфармацыйны часопіс «Абежнік».

Інстытут падтрымлівае сувязі з многімі бібліятэкамі свету, асабліва з Публічнай бібліятэкай у Нью-Ёрку. З канца 1980-х інстытут наладжвае кантакты з арганізацыямі Беларусі.

У розны час інстытут узначальвалі У. Тамашчык, Я. Ліманоўскі, В. Тумаш, А. Адамовіч, з 1982 — В. Кіпель.

Сярод правадзейных членаў БІНіМа Леў Акіншэвіч.

Літаратура[правіць | правіць зыходнік]

  • Энцыклапедыя гісторыі Беларусі. Т. 1. – Мн., 1993. – С.433–434.
  • Беларуская энцыклапедыя. Т. 2. – Мн., 1996. – С.444–445.