Бенедыкта Эбесдотэр

Бенедыкта Эбесдотэр
Каралева-кансорт Швецыі каля 1196 — каля 1199/1200
Папярэднік	Сесілія Ёхансдотэр
Пераемнік	Інгегерд Біргерсдотэр
Нараджэнне	каля 1165
Смерць	каля 1199 Швецыя
Бацька	Ebbe Sunesen[d]
Муж	Сверкер Карлсан
Дзеці	Хелена Сверкерсдотэр, Маргарэта Сверкерсдотэр[d] і Carl Sverkersson[d]

Бенедыкта Эбесдотэр Хвідэ (шведск.: Benedikta Ebbesdotter Hvide каля 1165 — каля 1199) — каралева-кансорт Швецыі, першая жонка караля Сверкера Карлсана. У Швецыі вядомая як Каралева Бенгта.

Біяграфія

Звесткі пра Бенедыкту заснаваныя на радаводзе сям’і Хвідэ, складзены ў абацтве Саро ў XIV стагоддзі. Паводле гэтай крыніцы, Бенедыкта нарадзілася ў Кнадрупе ў Даніі паміж 1165 і 1170 гадамі. Яна была дачкой шляхетнага чалавека, Эбе Сунесана з Хвідэ. Маленькі шведскі прынц Сверкер Карлсан быў прывезены ў Данію ў 1167 годзе пасля забойства бацькі, і, відавочна, быў выхаваны магутнымі сваякамі па матчынай лініі. Хутчэй за ўсё, там ён і сустрэў сваю будучую нявесту, сваячку сваёй маці, і ажаніўся з ёй, калі падрос. Гэта магло адбыцца ў сярэдзіне 1180-х гадоў.

Дзеці:

• Хелена (1190 — пасля 1222), маці каралевы Швецыі Катарыны Сунесдотэр
• (магчыма) Карл (пам. 1198), памёр у дзяцінстве
• (магчыма) Крысціна (пам. 1252), жонка Генрыха Борвіна II
• (магчыма) Маргарэта(1192—1232), жонка Віслава I

У 1195 або 1196 годзе Сверкер стаў каралём Швецыі, а Бенедыкта — каралевай. У тым жа годзе яе сваяк, святар Андрэас Сунесан, вярнуўся ў Данію з Францыі і стаў вядучым палітычным дзеячам у арцыбіскупстве пры Абсалоне, які таксама быў сваяком Бенедыкты. Верагодна, Каралева Бенедыкта падзяляла строга праклерыкальную пазіцыю свайго мужа і падтрымлівала імкненне царквы і арцыбіскупа Олафа Ламбатунга ва Упсале да ўлады.

Паколькі наступная жонка Сверкера Інгегерд нарадзіла сына ў 1201 годзе, мяркуецца, што каралева Бенедыкта памерла не пазней, чым у 1199 або 1200 годзе. Прычына яе смерці невядомая, але мяркуюць, што яна памерла пры родах.

Літаратура

• Åke Ohlmarks, Alla Sveriges drottningar (All the queens of Sweden; in Swedish). Stockholm: Gebers, 1973.
• Adolf Schück, «Till Sverker d.y.:s historia, 1. Sverkers familjeförhållanden», Historisk tidskrift 76, 1956.