Бруна Лемяшэўскі

З пляцоўкі Вікіпедыя
Jump to navigation Jump to search
Футбол
Бруна Лемяшэўскі
Агульная інфармацыя
Поўнае імя Бруна Маўрысіа Лемяшэўскі Мелесі
Нарадзіўся 3 сакавіка 1994(1994-03-03)[1] (25 гадоў)
Грамадзянства Flag of Spain.svg Іспанія
Flag of Uruguay.svg Уругвай
Рост 186 см
Вага 85 кг
Пазіцыя нападнік
Інфармацыя пра клуб
Клуб Андора Сан-Жулія
Нумар 9
Кар’ера
Клубная кар’ера*
2013 Іспанія Серданьёла-дэль-Вальес
2014 Іспанія Віласар-дэ-Дальт
2014 — 2015 Іспанія Мальетэнсэ
2015 Іспанія Віласар-дэ-Мар
2016 — 2017 Беларусь Славія-Мазыр 38 (6)
2018 Літва Атлантас (Клайпеда) 13 (3)
2019 — Андора Сан-Жулія

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 19 верасня 2019.


Бруна Лемяшэўскі (ісп.: Bruno Mauricio Lemiechevsky Melessi; нар. 3 сакавіка 1994, Мантэвідэа, Уругвай) — іспанска-уругвайскі футбаліст беларускага паходжання, нападнік андорскага клуба «Сан-Жулія».

Клубная кар’ера[правіць | правіць зыходнік]

Нарадзіўся ва Уругваі, дзе жыў некаторы час, але пазней перабраўся ў Іспанію, дзе гуляў у розных камандах ніжэйшых ліг Каталоніі.

У кастрычніку 2015 года падчас наведвання родзічаў у Беларусі (Лемяшэўскі мае беларускія карані, яго продкі атрымалі прозвішча ад вёскі Лемяшэвічы на Піншчыне[2]) па прапанове сябра сям’і Алега Страхановіча прыбыў на прагляд у мазырскую «Славію». Падчас прагляду адзначыўся голам у таварыскім матчы з БАТЭ і здолеў уразіць галоўнага трэнера мазыран Юрыя Пунтуса.

У студзені 2016 года далучыўся да «Славіі»[3]. Сезон 2016 распачаў у дублі, але ўжо 15 красавіка дэбютаваў у Вышэйшай лізе, выйшаўшы на замену ў другім тайме матча супраць «Граніта», дзе забіў адзіны гол сваёй каманды (1:3). Пазней стаў чаргаваць выхады ў асноўным складзе і на замену. У пачатку сезона 2017 выступаў у асноўным за дубль, улетку вярнуў трывалае месца ў аснове. З 4 галамі стаў адным з найлепшых бамбардзіраў каманды ў сезоне, аднак не здолеў выратаваць яе ад вылету ў Першую лігу. У канцы 2017 года ў сувязі з забаронай на выступленне легіянераў у Першай лізе пакінуў беларускі клуб.

У лютым 2018 года праходзіў прагляд у «Мінску», але беспаспяхова[4]. Са жніўня 2018 года пачаў выступаць за клайпедскі «Атлантас», пакінуў яго ў канцы года.

У жніўні 2019 года далучыўся да андорскага клуба «Сан-Жулія».

Зноскі

Спасылкі[правіць | правіць зыходнік]