Ванкувер

Горад
Ванкувер
Vancouver
Сцяг Герб
49°15′08″ пн. ш. 123°06′26″ з. д.
Краіна	Канада
Кіраўнік	Ken Sim[d]
Гісторыя і геаграфія
Заснаваны	1886
Горад з	1886
Плошча	114,7 км²
Вышыня цэнтра	2 м
Тып клімату	Marine west coast climate[d]
Водныя аб’екты	Фрэйзер, Burrard Inlet[d] і English Bay[d]
Часавы пояс	UTC-8 і PDT[d]
Насельніцтва
Насельніцтва	612 тыс. чалавек (2007)
Афіцыйная мова	англійская
Лічбавыя ідэнтыфікатары
Тэлефонны код	604, 778, 236
Паштовы індэкс	V5K, V5L, V5M, V5N, V5P, V5R, V5S, V5T, V5V, V5W, V5X, V5Y, V5Z, V6A, V6B, V6C, V6E, V6G, V6H, V6J, V6K, V6L, V6M, V6N, V6P, V6R, V6S, V6T, V6Z, V7X і V7Y
vancouver.ca/
Паказаць/схаваць карты
Ванкувер
Медыяфайлы на Вікісховішчы

Ванкувер (англ.: Vancouver) — горад на заходнім узбярэжжы Канады, буйнейшы горад правінцыі Брытанская Калумбія і восьмы па колькасці насельніцтва горад краіны. Насельніцтва 612 тыс. чал., у агламерацыі Вялікі Ванкувер (Greater Vancouver) пражывае звыш 2,3 млн чал. (трэцяя па памерах агламерацыя ў Канадзе).

Месца размяшчэння Ванкувера мае назву Ніжняя вялікая зямля (Lower Mainland), што падкрэслівае яго знаходжанне на ўзбярэжжы кантынентальнай часткі рэгіёна, у супрацьпастаўленні востраву Ванкувер, на якім размяшчаецца адміністрацыйны цэнтр правінцыі — горад Вікторыя.

Насельніцтва Ванкувера этнічна разнастайнае, для больш як паловы жыхароў горада англійская мова не з'яўляецца роднай.

Мясцовасць засяляецца еўрапейцамі з 1860-х. Імпульс перасяленню надалі залатыя ліхаманкі (каньён Фрэйзера і Карыбу), затым доўгі час — да 1980-х — горад быў цэнтрам рэгіёну здабычы і апрацоўкі мясцовай сыравіны (лес, карысныя выкапні, рыба, сельскагаспадарчая прадукцыя). У апошнія дзесяцігоддзі ідзе моцная дыверсіфікацыя гаспадарчай актыўнасці, рост сектару паслуг. На сённяшні дзень другое месца ў эканоміцы горада пасля лясной прамысловасці займае турызм. Ванкувер — трэці па велічыні цэнтр кінавытворчасці Паўночнай Амерыкі пасля Лос-Анджэлеса і Нью-Ёрка.

Горад валодае дастаткова развітой сеткай гарадскога пасажырскага транспарту, хаця і меншай ў параўнанні з іншымі гарадамі Канады, што тлумачыцца вялікай шчыльнасцю засялення цэнтральнай часткі горада і адсутнасцю неабходнасці перамяшчэння вялікіх мас людзей паміж рознымі раёнамі горада, у прыватнасці, з прыгарадаў. Агульная планіроўка горада забяспечвае высокую якасць жыцця гараджан, тэарэтыка-практычныя падыходы да яе атрымалі назву Ванкуверызм, як альтэрнатыва распаўзанню гарадоў, іх прыгарадаў на суседнія землі (Urban sprawl).

12 лютага — 28 лютага 2010 г. у Ванкуверы праходзілі XXI зімовыя Алімпійскія гульні.

Насельніцтва

Год Колькасць 2011 603 502 2016 631 486 2021 662 248

Гарады-пабрацімы

•  Адэса, Украіна (1971)
•  Арэкіпа, Перу
•  Гуанчжоу, Кітай
•  Дубай, ААЭ
•  Калі, Калумбія
•  Лос-Анджэлес, ЗША
•  Рыа-дэ-Жанэйра, Бразілія
•  Эдынбург, Вялікабрытанія (1978)^[…]
•  Якагама, Японія (1 ліпеня 1965)
•  абшчына Амстэрдам^[d], Нідэрланды

Памятныя мясціны

• Музей Ванкувера
• Парк Стэнлі
• Сабор Святога Разарыя

Літаратура

• Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш. — Мн.: БелЭн, 1996. — Т. 3. — 511 с. — 10 000 экз. — ISBN 985-11-0068-4 (т. 3).