Венсенская пагада

З Вікіпедыі, свабоднай энцыклапедыі
Галоўны будынак Венсенскай пагады
Статуя Буды Ў Венсенскай пагадзе

Венсенская пагада — адзін з будыйскіх цэнтраў Парыжа, які ўяўляе сабой комплекс з 3 будынкаў на тэрыторыі ў 8000 м ² на беразе возера Даменіль у Венсенскім лесе. Два асноўныя будынкі комплексу не належаць якой-небудзь асобнай рэлігійнай традыцыі і якому-небудзь рэлігійнаму лідару; імі карыстаюцца розныя будыйскія арганізацыі Парыжскай агламерацыі.

Два асноўныя будынка комплексу маюць гісторыка-культурнае значэнне: гэта пабудаваныя па праекце архітэктара Луі-Іпаліта Буало для Каланіяльнай выстаўкі 1931 года павільёны Камеруна і Тога, выкананыя, каб прадставіць традыцыйную архітэктуру Афрыкі.

Дадзены комплекс быў створаны як штаб-кватэра Міжнароднага будыйскага інстытута, заснаванага ў 1969 годзе Жанам Сентэні (1907-1978).

Асноўны будынак Венсенскай пагады — павільён Камеруна. Ён быў рэканструяваны і пераўтвораны ў малітоўную залу ў 1977 годзе. У ім размяшчаецца пакрытая сусальным золатам статуя Буды больш за 9 футаў вышынёй, якую прэса называе «найбуйнейшай у Еўропе».

Павільён Тога знаходзіцца на рэстаўрацыі, якая праводзіцца горадам Парыжам. Пасля рэстаўрацыі ў ім плануецца размясціць бібліятэку кніг розных будыйскіх традыцый.

Трэцім будынкам комплексу з’яўляецца пабудаваны паміж 1983 і 1985 тыбецкі будыйскі цэнтр традыцыі Каг'ю, Каг'ю-Дзонг, заснаваны Калу Рынпачэ.

Венсенская пагада размешчана па адрасе Route de Ceinture-du-Lac-Daumesnil, дом 40, XII акруга Парыжа. Паблізу ад Венсенской пагады размешчана станцыя метро Порт-Дарэ.