Выбухі на Бостанскім марафоне

З пляцоўкі Вікіпедыя
Jump to navigation Jump to search
Выбухі на Бостанскім марафоне
Месца першага выбуху праз некалькі хвілін пасля яго
Месца першага выбуху праз некалькі хвілін пасля яго
Месца нападу

Выбухіː 671-673 і 755 Бойлстан-Стрыт, Бостан, штат Масачусетс
Стральбаː Вугал Васар-Стрыт і Мэйн-Стрыт у Кембрыджы, штат Масачусетс
Перастрэлка і паляваннеː Уотэртаўн, штат Масачусетс

Дата

Выбухіː 15 красавіка 2013, 14ː39
Стральбаː 18 красавіка 2013, 22ː48
Перастрэлка і паляваннеː 19 красавіка 2013, 12ː30 — 20ː42

Спосаб нападу

Выбухі, стральба

Зброя

Выбухіː
Дзве бомбы, зробленыя з хуткаварак
Стральбаː

Загінуўшыя


  • 3 прахожыя ад выбухаў 15 красавіка
  • 1 афіцэр паліцыі ад стральбы 18 красавіка
  • 1 падазроны ад перастрэлцы 19 красавіка
Параненыя

280ː

  • 264 чалавека ад выбухаў 15 красавіка
  • 16 афіцэраў паліцыі падчас перастрэлцы 19 красавіка
Падазраваныя

Джахар Царнаеў (арыштаваны)
Тамерлан Царнаеў (загінуў)

Выбухі на Бостанскім марафоне і наступная стральба — серыя тэрарыстычных актаў, якія пачаліся 15 красавіка 2013 года, калі дзве бомбы, вырабленыя з хуткаварак, падарваліся падчас Бостанскага марафону ў 2 гадзіны 39 хвілін пасля поўдня, у выніку чаго былі забіты 3 чалавекі і яшчэ прыкладна 264 былі паранены. Бомбы выбухнулі з інтэрвалам у 12 секунд і з адлегласцю ў 190 метраў адна ад адной побач з фінішнай лініяй на Бойлстан-Стрыт.

Федэральнае бюро расследаванняў (ФБР) узяло на сябе расследаванне і 18 красавіка былі апублікаваны фатаздымкі і відэа двух падазраваных. Пазней у той жа дзень былі вызначаны асобы падазраваных — чачэнскія браты Джахар і Тамерлан Царнаевы. Неўзабаве пасля таго, як ФБР апублікавала фатаздымкі, падазраваныя забілі паліцэйскага, сагналі пазадарожнік і ініцыявалі перастрэлку з паліцыяй у Уотэртаўне, штат Масачусетс. У ходзе перастрэлкі адзін з паліцэйскіх быў паранены, але выжыў з вялікай стратай крыві. У перастрэлцы Тамерлана Царнаева некалькі разоў падстрэлілі, пасля чаго яго брат пакінуў яго ў пазадарожніку і ўцёк. Ён быў абвешчаны мёртвым на месцы здарэння.

19 красавіка адбыўся беспрэцэдэнтны вышук Джахара Царнаева з тысячамі супрацоўнікаў праваахоўных органаў, якія праводзілі вышук на 20-квартальнай плошчы Уотэртаўна. Падчас аблавы ўлады папрасілі жыхароў Уотэртаўна і прылеглых раёнаў, уключаючы Бостан, не пакідаць сваіх дамоў. Сістэма грамадскага транспарту і большасць прадпрыемстваў і дзяржаўных устаноў былі зачынены для стварэння пустыннага гарадскога асяроддзя. Каля 19:00 жыхар Уотэртаўна выявіў Джахара, які хаваўся ў лодцы на заднім дварэ. Джахар быў арыштаваны і дастаўлены ў бальніцу неўзабаве пасля гэтага.

Падчас першага допыту ў бальніцы, Джахар сцвярджаў, што Тамерлан з'яўляўся натхняльнікам. Ён сказаў, што іх матывам былі экстрэмісцкія ісламісцкія перакананні, а таксама войны ў Іраку і Афганістане, і што яны — самастойныя экстрэмісты, не звязаныя з іншымі тэрарыстычнымі групамі. Паводле яго слоў, яны навучыліся будаваць выбуховыя прылады ў інтэрнэт-часопісу філіяла Аль-Каіды ў Емене. Апроч таго, ён заявіў, што яны з братам вырашылі пасля выбухаў у Бостане паехаць у Нью-Ёрк, каб арганізаваць аналагічныя выбухі на Таймс-сквер. Джахар быў абвінавачаны 22 красавіка яшчэ ў бальніцы ва ўжыванні зброі масавага знішчэння і знішчэнні маёмасці, якое прывяло да смерці. Ён не прызнаў сябе вінаватам па 30 пунктах абвінавачвання.