Віліс Таўэр
| Віліс Таўэр | |
|---|---|
 | |
| Краіна | |
| Месцазнаходжанне | |
| Прызначэнне | офіс[d] |
| Адкрыццё | май 1973 |
| Архітэктурны стыль | інтэрнацыянальны стыль |
| Матэрыялы | шкло, алюміній і сталь |
| Вышыня | 442,1 м[3] |
| Колькасць паверхаў | 108[4] і 110 |
| Колькасць падземных паверхаў | 3 |
| Колькасць ліфтаў | 104 |
| Плошча |
|
| Заказчык | Sears[d] |
| Уласнік | The Blackstone Group[d] |
| Архітэктар | Skidmore, Owings and Merrill[d], Брус Грэм і Фазлур Рахман Хан |
| Інжынер-будаўнік | Фазлур Рахман Хан |
| Забудоўшчык | American Bridge Company[d] |
| Карыстальнік | United Airlines, Willis Group[d], Schiff Hardin[d] і Seyfarth Shaw[d] |
| Emporis | 117064 |
| SkyscraperPage | 5 |
| Сайт | willistower.com (англ.) |
 Медыяфайлы на Вікісховішчы | |
Віліс Таўэр (англ.: Willis Tower), да 2009 года — Сірс Таўэр (англ.: Sears Tower), — небаскроб, які знаходзіцца ў горадзе Чыкага, ЗША. Яго вышыня складае 442 м, колькасць паверхаў — 110. Пачатак будаўніцтва — жнівень 1970 года[5], заканчэнне — 4 мая 1973 года. Сёння Віліс Таўэр з’яўляецца самым вялікім будынкам у Злучаных Штатах Амерыкі, а падчас завяршэння будаўніцтва ён быў самым высокім у свеце. Галоўны архітэктар — Брус Грэм, галоўны праекціроўшчык (інжынер праекта) — Фазлур Хан.
Канструкцыя будынка[правіць | правіць зыходнік]
Плошча будынка складае больш за 418000 м²[6]. Небаскроб мае 104 ліфты, якія дзеляць будынак на тры зоны і дапамагаюць людзям арыентавацца ў ім. Знешне будынак пакрыты чорным алюмініем з 16 тысячамі вакон з цёмным шклом. Шэсць аўтаматычных машын для мыйкі вакон чысцяць ўвесь будынак восем раз у год. На даху Віліс Таўэра знаходзяцца дзве вялікія тэлевізійныя антэны.
Вышыня[правіць | правіць зыходнік]
Вышыня Віліс Таўэра складае 442 метра, з антэнамі — 527 метраў. Ён з’яўляецца самым высокім будынкам і другім па вышыні асобнастаячым збудаваннем Паўночнай і Паўднёвай Амерыкі. У жніўні 2009 года Віліс Таўэр быў пятым па вышіні асобнастаячым збудаваннем у свеце пасля Бурдж-Халіфа, Тэлевежы Гуанчжоу, Сі-Эн Таўэра і Астанкінскай тэлевежы.
Пляцоўка для агляду[правіць | правіць зыходнік]
Пляцоўка для агляду ў Сірс Таўэр была адкрыта 22 чэрвеня 1974 года. Размешчаная на 103 паверсе на вышыні каля 420 метраў, сёння гэта адзін з самых папулярных турыстычных атракцыёнаў у Чыкага.
У студзені 2009 года новыя уладальнікі Віліс Таўэра пачалі мадэрнізацыю пляцоўкі. Яны таксама усталявалі цалкам шкляныя балконы (скайдэкі), праз падлогу якіх можна разглядзець вуліцу. Такім чынам з гэтых скайдэкаў адкрываецца від на возера Мічыган, даўн-таўн Чыкага і вуліцы, што знаходзяцца пад балконамі. Скайдэкі былі адкрыты для турыстаў 2 ліпеня 2009 года.
Галерэя[правіць | правіць зыходнік]
-
Віліс Таўэр на панараме Чыкага -
Віліс Таўэр з ракі Чыкага Рывер -
Усходні ўваход у Віліс Таўэр -
Віліс Таўэр ноччу -
Від на вуліцу South Wacker Drive са скайдэка
Заўвагі[правіць | правіць зыходнік]
- ↑ archINFORM — 1994. Праверана 30 ліпеня 2018.
- ↑ archINFORM — 1994. Праверана 31 ліпеня 2018.
- ↑ а б http://www.skyscrapercenter.com/building/willis-tower/169
- ↑ http://www.emporis.com/building/willis-tower-chicago-il-usa
- ↑ World Book, Inc. The World Book encyclopedia. — Том 17. — World Book, 2000. — ISBN 0716601001. — ISBN 9780716601005.
- ↑ Chris Oxlade. Skyscrapers and Towers. — Raintree Steck-Vaughn, 1996. — С. 41. — 48 с. — ISBN 0817243291. — ISBN 9780817243296.
Спасылкі[правіць | правіць зыходнік]
На Вікісховішчы ёсць медыяфайлы па тэме Віліс Таўэр- Афіцыйны вэб-сайт
Слоўнікі і энцыклапедыі | |
|---|---|
| Нарматыўны кантроль |
