Ганс-Юрген Боймлер

Ганс-Юрген Боймлер
ням.: Hans-Jürgen Bäumler
Агульная інфармацыя
Пол	мужчынскі пол
Спецыялізацыя	фігурнае катанне
Нарадзіўся	28 студзеня 1942(1942-01-28) (82 гады) Дахау, Раён Дахау[d], Верхняя Баварыя, Баварыя, Трэці рэйх
Грамадзянства	Германія
Медыяфайлы на Вікісховішчы

Ганс-Юрген Боймлер (ням.: Hans-Jürgen Bäumler; нар. 28 студзеня 1942) — нямецкі фігурыст, які выступаў у адзіночным і парным катанні, акцёр, спявак і тэлевядучы. У спорце найвышэйшага поспеху дасягнуў, выступаючы ў пары з Марыкай Кіліус. Яны чатыры разы атрымлівалі перамогу на чэмпіянатах Германіі, шэсць разоў запар станавіліся чэмпіёнамі Еўропы і двойчы — чэмпіёнамі свету.

Кар’ера

Кіліус і Боймлер двойчы заваёўвалі алімпійскія сярэбраныя медалі: на Алімпійскіх гульнях 1960 і Алімпійскіх гульнях 1964 гадоў. У першым выпадку яны саступілі пары Барбара Вагнер/Роберт Пол, у другім — Людміле Белавусавай і Алегу Пратапопаву.

З 1964 перайшлі ў прафесіяналы, выступалі на лядовых шоу Vienna Ice Revue і Holiday on Ice. У дуэце запісалі некалькі песень, Боймлер пазней выступаў як спявак у адзіночку. Самай паспяховай яго кампазіцыяй стала «Wunderschönes fremdes Mädchen». З 1964 года здымаўся ў фільмах, у ліку якіх «Лядовая аперэта» (ням.: Eisoperette) і іншыя. У 1970-х стаў тэлевядучым некалькіх праграм, у пачатку 1990-х працаваў на тэлеканале RTL.

У 1974 годзе ажаніўся. Мае двух сыноў, абодва жывуць у Францыі.