Горад Ізміт

З пляцоўкі Вікіпедыя
Перайсці да: рух, знайсці
Горад
Ізміт
турэцк.: İzmit

P1030053.jpg

Краіна
Каардынаты
Першае згадванне
712 да н.э.
Ранейшыя назвы
Νικομήδεια (Нікамедыя)
Плошча
3 524 км²
Насельніцтва
293 тыс. чалавек (2009)
Шчыльнасць
403,5 чал./км²
Часавы пояс
Тэлефонны код
(+90)262
Паштовы індэкс
41ххх
Аўтамабільны код
41
Афіцыйны сайт
Горад Ізміт (Турцыя)
Горад Ізміт

Ізміт (турэцк.: İzmit) — горад у Мармуроваморскім рэгіёне Турцыі, адміністрацыйны цэнтр правінцыі Каджаэлі. Размешчаны на беразе Ізміцкага заліва Мармуровага мора прыкладна ў 100 км на ўсход ад Стамбула ў паўночна-заходняй частцы Анатоліі.

Ізміт (Нікамедыя) быў самым усходнім і старэйшым па статусе сталічным горадам Рымскай імперыі з 286 па 324, падчас тэтрархіі, уведзенай Дыяклетыянам. З 324 па 330 горад служыў часовай (пераходнай) сталіцай, пакуль Візантый не быў афіцыйна абвешчаны Nova Roma (Новым Рымам).

Ізміт — важны індустрыяльны цэнтр краіны, з развітой нафтаперапрацоўчай, папяровай і цэментнай прамысловасцю. Існуюць планы стварэння ў горадзе сумеснай зборачнай вытворчасці «Ford Motor Company» і «Otosan» па вырабу мікрааўтобусаў Transit/Tourneo і Transit/Tourneo Connect (правінцыя Каджаэлі мае развітую аўтамабільную прамысловасць). Ізміт таксама важны транспартны вузел, размешчаны на шляху паміж Стамбулам і Анкарой, а таксама мае вялікі марскі порт. Авіяцыйную сувязь з горадам забяспечваюць міжнародныя аэрапорты Стамбула Сабіха Гёкчэн і імя Атацюрка.

Універсітэт (з 1992).

Літаратура[правіць | правіць зыходнік]

  • Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: Белэн, 1999. — 608 с.: іл. ISBN 985-11-0279-2