Грам

З Вікіпедыі, свабоднай энцыклапедыі
Каўпачок ад ручкі масай 0,98 грам

Грам (фр.: gramme; абазначэнні: г, g) — адзінка вымярэння масы, адна з асноўных адзінак сістэмы СГС.

Яе кратная адзінка, кілаграм (1000 грамаў), з дакладнасцю да 0,2 % роўная масе 1 дм³ хімічна чыстай воды пры тэмпературы яе найбольшай шчыльнасці (каля 4 °C), з'яўляецца асноўнай адзінкай масы ў сістэме СІ.

Найбольш часта выкарыстоўваемыя дольныя адзінкі:

  • Міліграм — 10−3 грама (адна тысячная частка грама; абазначэнне: мг)
  • Мікраграм — 10−6 грама (адна мільённая частка грама; абазначэнне: мкг)
  • Нанаграмм — 10−9 грама (адна мільярдная частка грама; абазначэнне: нг)
  • Пікаграм — 10−12 грама (адна трыльённая частка грама; абазначэнне: пг)