Трэці сектар (грамадскае аб’яднанне)
Грамадскае аб'яднанне "Цэнтр інфармацыйнай падтрымкі грамадскіх ініцыятыў "Трэці сектар" | |
---|---|
![]() | |
![]() | |
Місія | Развіццё грамадскай актыўнасці сярод розных колаў насельніцтва Гарадзеншчыны праз інфармацыйную і адукацыйна-асветніцкую падтрымку дэмакратычных грамадскіх ініцыятыў |
Дата заснавання | 1997 |
Тып | NGO, грамадскае аб'яднанне |
Cтаршыня праўлення | Вітаўт Руднік |
Сайт | www.3sektar.by |
Грамадскае аб'яднанне "Цэнтр інфармацыйнай падтрымкі грамадскіх ініцыятыў «Трэці сектар» (Цэнтр «Трэці сектар») — грамадскае аб'яднанне, створана ў Гродна ў 1997 г. групай грамадскіх актывістаў і журналістаў.
Асноўныя напрамкі дзейнасці
Грамадзянская адукацыя ў галіне журналістыкі
Адзін з галоўных накірункаў дзейнасці арганізацыі. З 1997 г. на яе базе працуе «Школа маладога журналіста», выпускнікамі якой з'яўляюцца больш за 350 чалавек. У 2007, 2010, 2012, 2014 гг. на базе арганізацыі праводзіліся "Фестывалі моладзевай журналістыкі «Твой стыль». У 2007 г. быў створаны сайт «Твой стыль».
Інфармацыйная падтрымка грамадскіх ініцыятыў
Трэці сектар — сайт, на якім друкуецца інфармацыя пра дзейнасць грамадскіх ініцыятыў Гарадзеншчыны. З красавіка 1999 г. выдавалася электронная рассылка «Кроніка грамадскага жыцця Гарадзеншчыны». З 1997 да 2006 г. выдаваўся бюлетэнь (пазней часопіс) «Трэці сектар».
Культура і спадчына
Праграма накіраваная на захаванне і папулярызацыю беларускай культурнай спадчыны. У межах праграмы выдаваліся кнігі «Песня пра зубра», «Традыцыйная кухня Беласточчыны і Гарадзеншчыны», «Легенды і міфы: ад Нёмана да Буга», «Гісторыя ХХ-га стагоддзя ва ўспамінах гарадзенцаў», відэапраект Постаці.
Паляпшэнне якасці жыцця сталых людзей
«Універсітэтэт Залатога Веку» для сталых людзей працуе ў Гродне з 2010 г. Яе мэтай з'яўляецца павышэнне якасці жыцця сталых людзей праз іх інтэлектуальную, фізічную і сацыяльную актывізацыю. Універсітэт Залатога Веку прызнаны «Лепшай адукацыйнай падзеяй года» у Беларусі ў 2014 г.
Транспамежнае супрацоўніцтва
Арганізацыя ладзіць трансгранічныя праекты ў галіне культуры, адукацыі, моладзі. Міжнародныя летнікі «ПоЛіБелКа» ладзіліся ў 2003, 2006, 2010 г. для прадстаўнікоў арганізацый з Беларусі, Літвы, Польшчы і Калінінградскай вобласці Расіі. Форум грамадскіх арганізацый Еўрарэгіёна «Нёман» быў праведзены ў Гродне ў 2002 г.
Развіццё мясцовых супольнасцей
«Адкрытая школа мясцовых супольнасцей» ладзілася арганізацыяй у 2003—2011 гг.
Фестываль моладзевай журналістыкі «Твой стыль»
![](http://upload.wikimedia.org/wikipedia/commons/thumb/3/32/Festyval.jpg/220px-Festyval.jpg)
Фестываль заснаваны грамадскім аб'яднаннем "Цэнтр «Трэці Сектар» у супрацоўніцтве з «Беларускай асацыяцыяй журналістаў» у 2007 годзе і быў задуманы як дадатковая пляцоўка для павышэння прафесійнага ўзроўню маладых журналістаў.
Упершыню Фестываль моладзевай журналістыкі «Твой Стыль» адбыўся 18-20 траўня 2007 году.
Другі Фестываль адбыўся 21 траўня 2009 г. і атрымаў званне Чэмпіёны грамадзянскай супольнасці Асамблеяй дэмакратычных няўрадавых арганізацый Беларусі [1].
У трэцім фестывалі, які адбыўся 25-27 мая 2012 г. прынялі ўдзел больш за 150 чалавек. Чацвёрты Фестываль прайшоў 16-18 мая 2014 і сабраў больш за 100 чалавек. У межах Фестываляў праводзяцца нацыянальны конкурс для журналістаў-пачаткоўцаў, майстар-класы ад журналістаў-прафесіяналаў, а таксама Фотабатл для фатографаў-аматараў з розных гарадоў краіны.