Грамафонная іголка
Грамафонная іголка, іголка гуказдымальніка — іголка, з дапамогай якой прайграваецца гук з грамафонных пласцінак.
Апісанне[правіць | правіць зыходнік]
Памеры іголкі для прайгравання з любых доўгайграючых (мона, стэрэа або квадра) дыскаў аднолькавыя: радыус закруглення канічнай часткі іголкі 18 ± 5 мкм, дыяметр іголкі 0,35 мм. Для лепшага абмінання звілін канаўкі іголкай і больш поўнай адпаведнасці ваганняў іголкі ваганням разца пры запісе пачынаюць ужываць іголкі з эліптычным перасекам (вялікая вось эліпса арыентавана папярок канаўкі грампласцінкі).
Іголка мацуецца ў іголкатрымальніку, памеры і форма якога вызначаюцца канструкцыяй галоўкі гуказдымальніка. Матэрыялы іголкі - алмаз або сапфір, тэрмін службы іголкі каля 500 гадзін; калі крышталічная рашотка дыямента арыентавана ўздоўж восі іголкі (як напрыклад, у галоўцы гуказдымальніка ГЗМ 043), тэрмін службы даходзіць да 1000 гадзін. Так як тэрмін службы іголкі значна менш тэрміну службы галоўкі гуказдымальніка, канструкцыя большасці галовак дазваляе замену іголкі разам з іголкатрымальнікам.
Дзеля захавання іголкі яе трэба засцерагаць ад удараў, недапушчальна спрабаваць прайграваць старыя шэлачныя пласцінкі, так як пры ўдарах аб часціцы напаўняльніка (шыфер) іголка можа раскрышыцца. Неабходна своечасова замяняць зношаныя або пашкоджаныя іголкі, так як выкарыстанне такіх іголак прыводзіць да рэзкага пагаршэння якасці гукаўзнаўлення і немінучага пашкоджання грампласцінак.
Літаратура[правіць | правіць зыходнік]
- Краткая энциклопедия домашнего хозяйства (КЭДХ) 1994.