Грузія-фільм

Ордэна Леніна кінастудыя «Грузія-фільм» ლენინის ორდენის სტუდია «ქართული ფილმი»
Тып	Кінаканцэрн
Заснаванне	1921
Размяшчэнне	Грузія, Тбілісі вул. Ахметэлі, 10а თბილისი ახმეტელის ქ., 10ა
Ключавыя постаці	Старшыня Савета Дырэктараў Арчыл Менагарышвілі
Галіна	кінематограф
Прадукцыя	кінастужкі і тэлесерыялы
Сайт	www.georgianfilm.ge

«Грузія-фільм» (груз. ქართული ფილმი) — кінаканцэрн мастацкіх фільмаў у Тбілісі.

Гісторыя

Кінаканцэрн заснаваны ў 1921 годзе як кінасекцыя пры Наркамасветы Грузінскай ССР. У 1923—1938 гадах — трэст АТ «Дзяржкінапрам Грузіі». У 1938—1953 гадах — Тбіліская кінастудыя. З 1953 года — кінастудыя «Грузія-фільм». З 1930 года, апроч гульнявых, вырабляе мультыплікацыйныя фільмы. У 1958 годзе на базе сектара кінахронікі кінастудыі «Грузія-фільм» створана Грузінская студыя хранікальна-дакументальных і навукова-папулярных фільмаў.