Масфільм

Кінаканцэрн «Масфільм»
Тып	кінастудыя[d] і кінакампанія[d]
Заснаванне	1924
Краіна	Расія
Размяшчэнне	Масква, вул. Масфільмаўская, 1
Адрас	Масква Mosfilmovskaya Street[d]
Ключавыя постаці	генеральны дырэктар Карэн Шахназараў
Галіна	кінематограф
Прадукцыя	кінастужкі, рэкламы, відэакліпы і тэлесерыялы
Чысты прыбытак	918 млн ₽ (2024)
Колькасць супрацоўнікаў	1 020 чал. (2002)
Сайт	www.mosfilm.ru

Маскоўская ордэна Леніна і ордэна Кастрычніцкай Рэвалюцыі дзяржаўная кінастудыя «Масфільм» — адна з буйнейшых кінакампаній Расіі і Еўропы. Была створана на базе двух нацыяналізаваных кінафабрык А. А. Ханжонкава і І. М. Ярмольева ў лістападзе 1923 года, калі на новаствораным прадпрыемстве пачалася работа над фільмам рэжысёра Барыса Міхіна «На крылах ўгору», які выйшаў на экраны ў пачатку студзеня 1924 года. Менавіта гэтая дата афіцыйна з’яўляецца датай нараджэння студыі. Першапачаткова яна называлася «Маскінакамбінат». Сваю цяперашнюю назву атрымала ў 1935 годзе.

Эмблема кінастудыі «Масфільм» — скульптура «Рабочы і калгасніца» Веры Мухінай. Скульптура ўпершыню з’явілася як экранная марка «Масфільма» ў 1947 годзе ў фільме «Вясна» рэжысёра Рыгора Аляксандрава.

На «Масфільме» было знята больш за 1720 карцін, многія з іх увайшлі ў залаты фонд сусветнага кінамастацтва, заваявалі шматлікія ўзнагароды на розных кінафестывалях. «Масфільм», які валодае правамі на калекцыю фільмаў самастойна, зарабіў на продажы правоў у 2010 годзе амаль 250 мільёнаў рублёў.

Спасылкі

• Афіцыйны сайт «Масфільма»
• Масфільм (СССР) на сайце «Internet Movie Database» (англ.)
• Масфільм (Расія) на сайце «Internet Movie Database» (англ.)
• Канал «Масфільма» на YouTube
• Інтэрнэт-кінатэатр «Кінаканцэрн „Масфільм“»