Джын Энн Карпентэр Карнахан (англ.: Jean Anne Carpenter Carnahan; 20 снежня1933 — 30 студзеня2024) — амерыканскі палітык, сенатар ад штата Місуры (дэмакраты) у 2001—2002 гадах. Першая жанчына, якая прадстаўляла Місуры ў Сенаце ЗША. Была прызначаная сенатарам рашэннем губернатара, паколькі на пасаду ў сенаце была абрана не яна, а яе муж Мел Карнахан, губернатар штата Місуры, які загінуў у авіякатастрофе за некалькі тыдняў да выбараў, але пакінуты ў выбарчым бюлетэні. У 2002 годзе Джын Карнахан прайграла выбары ў сенат. У 2004 годзе членам Палаты прадстаўнікоў ЗША быў абраны яе сын Рас Карнахан.
Джын Карнахан вяла актыўнае грамадскае жыццё, апублікавала некалькі кніг.