Еўдакія Георгіеўна Грыневіч

Еўдакія Георгіеўна Грыневіч
Дата нараджэння	17 снежня 1938(1938-12-17) (85 гадоў)
Месца нараджэння	Ташкент, Узбекская ССР, СССР
Грамадзянства	СССР  Беларусь
Альма-матар	Ташкенцкі політэхнічны інстытут[d] (1962)
Месца працы	БелНДІПгорадабудаўніцтва
Навуковая ступень	кандыдат архітэктуры (1972)
Член у	Саюз архітэктараў СССР Беларускі саюз архітэктараў

Еўдакія Георгіеўна Грыневіч (17 снежня 1938, Ташкент) — беларускі архітэктар. Кандыдат архітэктуры (1972).

Біяграфія

Скончыла Ташкенцкі політэхнічны інстытут у 1962 годзе, аспірантуру ў 1970 годзе. Працавала ў праектных арганізацыях Ташкента, з 1979 года — старшы навуковы супрацоўнік БелНДІПгорадабудаўніцтва.

Член Саюза архітэктараў СССР з 1967 года. Пражывае ў Мінску.

Творчасць

Удзельнічала ў распрацоўцы серыі блакаваных жылых дамоў для сяла, шматпавярховых жылых дамоў (1972—1976). Апублікавана больш 30 прац, у т.л.: «Некаторыя пытанні сістэмнай арганізацыі даследаванняў гарадскога асяроддзя» (1976), «Перадумовы фарміравання малапавярховых жылых структур павышанай шчыльнасці ў гарадах Беларусі» (1979), «Архітэктурна-планіровачная і тыпалагічная арганізацыя жылых тэрыторый гарадскіх паселішчаў» (1987, у аўтарскім калектыве), «Фарміраванне і развіццё комплексных тэрытарыяльных сістэм» (1987, у аўтарскім калектыве).

Літаратура

• Гриневич Евдокия Георгиевна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)