Жавальная гумка

Жавальная гумка ў падушачках

Жава́льная гу́мка (жу́йка, жвачка; англ.: Chewing gum) — кулінарны выраб, які складаецца з неядомай эластычнай асновы і розных смакавых і араматычных дадаткаў. Прызначана для ачысткі зубоў і поласці рота, маскіроўкі непрыемных пахаў, ці проста для жавання як забавы. Падчас ужывання жавальная гумка практычна не памяншаецца ў аб’ёме, але ўсе напаўняльнікі паступова раствараюцца, пасля чаго аснова становіцца нясмачнай і звычайна выкідваецца.

Жавальная гумка была вядома старажытным грэкам, ацтэкам і мая, якія жавалі смалу дрэў, застылы сок гевеі, каўчук. Сучасная жавальная гумка была запатэнтавана ў ЗША ў 1869 годзе дантыстам. Са шматлікіх відаў жавальнай гумкі ў якасці забавы можна выдзімаць бурбалкі, якой у англамоўных краінах далі назву bubble gum (гэта значыць штосьці накшталт «гумка для бурбалак»).

Гл. таксама

• Цукеркі
• Карамель
• Ірыс
• Чупа-чупс

Спасылкі

• На Вікісховішчы ёсць медыяфайлы па тэме Жавальная гумка