Зіндэр

З пляцоўкі Вікіпедыя
Jump to navigation Jump to search

Зіндэр (фр.: Zinder) — горад у паўднёвай частцы Нігера. Размешчаны недалёка ад мяжы з Нігерыяй, у 861 км на ўсход ад горада Ніямей і ў 240 км на поўнач ад нігерыйскага горада Кано. З'яўляецца адміністрацыйным цэнтрам рэгіёна Зіндэр.

Насельніцтва па дадзеных на 2012 год складае 253.766 чалавек; па дадзеных перапісу 2001 яно налічвала 170.574 чалавекі (другі па велічыні горад краіны). Да 1927 г. Зіндэр быў сталіцай французскай калоніі Нігер, а раней, да сярэдзіны XIX стагоддзя - сталіцай султаната Дамагарам і важным гандлёвым пунктам для плямёнаў хаўса, туарэгаў, фульбэ і кануры.

Горад адрозніваецца незвычайнай архітэктурай. У найстарэйшым квартале Бірні - квадратныя дамы з геаметрычным арнаментам і роспісам. У горадзе ёсць былы палац султана з рэльефнымі ўпрыгожаннямі. Таксама ў горадзе ёсць квартал Зенгу, населены пераважна племем хаўса, і Новы горад - у цяперашні час эканамічны цэнтр Зіндэра.

Літаратура[правіць | правіць зыходнік]

  • Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: Белэн, 1999. — 608 с.: іл. ISBN 985-11-0279-2