Даўжыня цела 21-25 см, размах крылаў 43-50 см. У шлюбным уборы шматкаляровая, іржава-чорна-белая, адносна нядоўгая, вострая дзюба i кароткiя жоўта-аранжавыя ногi. У негнездавы час i маладыя цёмна-шэра-карычневыя з белым сподам цела i горлам. У палёце ў абодвух уборах вельмi характэрныя плямы зверху на спiне. Пры пошуках ежы пераварочвае каменчыкi (адсюль назва).
Арэал — паўночныя ўзбярэжжы Галарктыкi. Насяляе камянiстыя марскiя ўзбярэжжы, у некаторых раёнах сухую, камянiстую тундру. Пад час пералётаў і на зімоўцы — галоўным чынам марскія ўзбярэжжы (таксама пясчаныя і з воднымі раслінамі).
Пералётная. Месца зiмовак: Заходняя і Паўднёвая Еўропа, Паўднёва-Усходняя Азiя (ад Індыі), паўночна-ўсходняе і заходняе ўзбярэжжы Афрыкі, Аўстралiя, Новая Зеландыя, поўнач Паўночнай Амерыкi, Цэнтральная i Паўднёвая Амерыка, астравы Атлантычнага i Цiхага акіянаў. На Беларусі вельмі рэдкі залётны пад час міграцый від.
Гняздо ладзіць на адкрытым месцы ў неглыбокай ямцы, без высцілкі або скупа высланай лішайнікамі з прымессю некалькiх травiнак, лістоў i кавалкаў кары са сплаўляемых хваёвых дрэў.
Яйкi звычайна 4 (часам 3-5), авальныя або грушападобныя, светла-алiўкава-зялёныя альбо карычневыя з глыбокiмi шэрымi плямамi i буравата-чорнымi паверхневымi.
.jpg)
