Кардон (археалагічны помнік)
Кардон — комплекс археалагічных помнікаў каля в. Кардон Шумілінскага раён Беларусі.
Аб'ект трапіў у top-10 адкрыццяў НАН Беларусі ў галіне фундаментальных даследаванняў за 2016 год[1].
Складаецца з гарадзішча, 2 селішч, курганнага могільніка і гавані.[2]
Комплекс з гарадзішча і селішча выяўлены ў 1933 годзе, тады знаходкі на ім датавалі VIII—IX ст., але далей помнік не даследаваўся. Да 2015 года пашкоджаны «чорнымі капацелямі».[2]
У 2015 годзе экспедыцыя пад кіраўніцтвам В. М. Ляўко абследавала помнік. У жніўні 2015 года на селішчы(якім з двух?) на глыбіні 60 см былі знойдзены часткі ювелірных упрыгожанняў (крыжыкі, пацеркі, фрагмент срэбнай падвескі, частка скроневага кальца, падвеска з меднага фоліса імператара Льва VI), раменныя накладкі, скандынаўская гірка-разнавага, манеты і гузікі IX—X ст., зліткі каляровых металаў.[2]
У 2016 годзе на комплексе знойдзена больш за 600 артэфактаў, у т.л. 2 рымскія манеты -- часоў Флавіяў (79) і Антанінаў (164—169). Выяўлены пласты двух пажараў.[2]
У 2017 годзе апроч іншага знойдзены г.зв. малаточкі Тора, скандынаўская арнаментаваная шпілька, фібула, 5 наканечнікаў стрэл.[3][4]
На думку В. Ляўко, паселішча дасягнула росквіту ў IX — сярэдзіне X ст. Пакуль няма падстаў для высновы, што на гэтым месцы скандынавы жылі стала.[2]
Зноскі
- ↑ https://www.sb.by/articles/unikalnye-molotochki-tora-nashli-v-shumilinskom-rayone.html
- ↑ а б в г д Археологи продолжат исследовать древнее поселение на Подвинье
- ↑ https://www.kp.by/daily/26708/3733695/(недаступная спасылка)
- ↑ http://shumilina.by/rus/%D0%BD%D0%BE%D0%B2%D0%BE%D1%81%D1%82%D0%B8/%D0%BA%D1%83%D0%BB%D1%8C%D1%82%D1%83%D1%80%D0%B0/1845/