Кланікаванскі чалавек

З пляцоўкі Вікіпедыя
Jump to navigation Jump to search
Кланікаванскі чалавек

Кланікаванскі чалавек (англ.: Clonycavan Man) — імя, дадзенае добра захаванай муміі жалезнага веку, знойдзенай у 2003 годзе ў балотах мясцовасці Кланікаван у ірландскім графстве Міт. Мумія захавалася так добра, што першапачаткова ёю займаліся паліцэйскія судмедэксперты (як адносна «свежай»[2]). Рост кланікаванскага чалавека — 157 сантыметраў, узрост паводле радыевугляроднага метаду — каля 2300 гадоў. Мумія характэрна тым, што на яе галаве знойдзены своеасаблівы «гель для валасоў», састаў якога пацвярджае наяўнасць гандлёвых шляхоў паміж Ірландыяй і Паўднёвай Еўропай (тэрыторыяй Францыі або Іспаніі[3]) ужо ў тыя часы[4]. Меркавана, знойдзены чалавек адносіўся да знаці, быў малады[5] і быў прынесены ў ахвяру.

Практычна ўвесь чэрап муміі растварыўся ў кіслым балотным асяроддзі. Навукоўцам з Універсітэта Дандзі (University of Dundee) удалося аднавіць аблічча знойдзенага чалавека. За некаторыя асаблівасці знешнасці мумія была таксама празвана «Дэвідам Бэкхэмам»[6].

Зноскі

  1. www.excavations.ie 2003 County Meath 10186. Архівавана з першакрыніцы 5 чэрвеня 2011.
  2. Ірландскія балоты засяляюць па-зверску закатаваныя старажытныя франты (руск.) . Архівавана з першакрыніцы 5 чэрвеня 2011. Праверана 6 сакавіка 2011.
  3. Hair-gelled Celt may have been sacrificed (англ.) . LAURA ROBERTS (19 студзеня 2006). Архівавана з першакрыніцы 5 чэрвеня 2011. Праверана 6 сакавіка 2011.
  4. Victoria Gilman Photo in the News: Iron Age "Bog Man" Used Imported Hair Gel (англ.) . Natioal Geographic (17 студзеня 2006). Архівавана з першакрыніцы 5 чэрвеня 2011. Праверана 6 сакавіка 2011.
  5. Iron Age 'bog bodies' unveiled (англ.) . BBC. Архівавана з першакрыніцы 5 чэрвеня 2011. Праверана 6 сакавіка 2011.
  6. Iron Age 'David Beckham' unmasked (англ.) . BBC. Архівавана з першакрыніцы 5 чэрвеня 2011. Праверана 6 сакавіка 2011.

Спасылкі[правіць | правіць зыходнік]