Круглы стол—Свабодная Грузія
| Круглы стол—Свабодная Грузія | |
|---|---|
| груз. მრგვალი მაგიდა — თავისუფალი საქართველო | |
| Лідар | Звіяд Гамсахурдзія |
| Дата заснавання | 1990 |
| Штаб-кватэра | |
| Краіна | |
Круглы стол—Свабодная Грузія (груз. მრგვალი მაგიდა — თავისუფალი საქართველო) — альянс грузінскіх палітычных партый.
Стварэнне
[правіць | правіць зыходнік]11—13 сакавіка 1990 года ў Вялікай канцэртнай зале філармоніі Тбілісі адбылася канферэнцыя, на якой былі запрошаны ўсе нефармальныя арганізацыі, якія вызначалі сябе як нацыянальна-вызваленчы рух. Мэтай канферэнцыі было стварэнне кааліцыйнага савета.
На канферэнцыі былі прадстаўлены два планы аддзялення Грузіі ад Савецкага Саюза:
- Прадстаўнікі першага лічылі, што краіна павінна стаць незалежнай з дапамогай рэферэндуму. Гэта значыць, яны меркавалі пайсці па шляху Літвы, якая ў сакавіку 1990 года легітымным і мірным спосабам пачала шлях да выхаду са складу СССР.
- Іншы план разглядалі набыццё незалежнасці шляхам вываду савецкіх войск з Грузіі. Лозунг прыхільнікаў другога плана быў: «Спачатку — свабода, а потым — незалежнасць».
Звіяд Гамсахурдзія назваў планы «антынацыянальнымі» і пакінуў канферэнцыю разам з некалькімі партыямі. Арганізацыі, якія пакінулі канферэнцыю, стварылі палітычны альянс «Круглы стол—Свабодная Грузія». Яго асноўнай палітычнай мэтай было спачатку правесці рэферэндум аб незалежнасці, а потым прыняць дэкларацыю аб аднаўленні незалежнасці Грузіі на аснове гэтага рэферэндуму.
Альянс Круглы стол—Свабодная Грузія быў ва ўладзе да 1993 года[удакладніць], пасля чаго распаўся.
Прыход да ўлады
[правіць | правіць зыходнік]На выбарах 28 кастрычніка 1990 года блок «Круглы стол—Свабодная Грузія» атрымаў 53,99% галасоў, узяўшы большасць у Вярхоўным Савеце Грузінскай ССР.
9 красавіка 1991 года сесія Вярхоўнага Савета прыняла Закон аб незалежнасці Грузіі на аснове рэферэндуму 31 сакавіка 1991 года. Звіяд Гамсахурдзія, кандыдат ад кааліцыі, атрымаў 87% галасоў на прэзідэнцкіх выбарах і стаў першым прэзідэнтам незалежнай Грузіі.
Члены
[правіць | правіць зыходнік]- Хельсінкскі саюз Грузіі (груз. საქართველოს ჰელსინკის კავშირი)
- Таварыства Св. Іллі—Праведнае грамадства Грузіі (груз. სრულიად საქართველოს წმინდა ილია მართლის საზოგადოება)
- Грузінскае Таварыства Мераба Костава (груз. სრულიად საქართველოს მერაბ კოსტავას საზოგადოება)
- Саюз грузінскіх традыцыяналістаў (груз. ქართველ ტრადიციონალისტთა კავშირი)
- Грузінскі нацыянальны фронт—Радыкальны саюз (груз. საქართველოს ეროვნული ფრონტი-რადიკალური კავშირი)
- Нацыянальна-ліберальны саюз Грузіі (груз. საქართველოს ეროვნულ-ლიბერალური კავშირი)
- Грузінская нацыянальна-хрысціянская партыя (груз. საქართველოს ეროვნულ-ქრისტიანული პარტია)
Спасылкі
[правіць | правіць зыходнік]- Основные вехи грузинской государственности. Справка. РИА Новости (31 сакавіка 2011). Архівавана з першакрыніцы 7 чэрвеня 2019. Праверана 26 чэрвеня 2022.
- Заал Андроникашвили, Георгий Майсурадзе. Грузия-1990: филологема независимости, или Неизвлечённый опыт(недаступная спасылка). Журнальный зал в РЖ, "Русский журнал", НЛО № 83 2007 (1 студзеня 2007). Архівавана з першакрыніцы 19 сакавіка 2019. Праверана 26 чэрвеня 2022.
- Леван Таркхинишвили. Грузия: путь к демократии?. Center of Social and Economic Research (1 чэрвеня 1997). Архівавана з першакрыніцы 14 лютага 2019. Праверана 26 чэрвеня 2022.
- Биография Звиада Гамсахурдия(недаступная спасылка). Анонимная правда (15 мая 2013). Архівавана з першакрыніцы 9 красавіка 2014. Праверана 26 чэрвеня 2022.