Культура шэрай размаляванай керамікі

Культура шэрай размаляванай керамікі бронзавы век, жалезны век
Фрагмент першай паловы 1 тысячагоддзя да н.э.
Геаграфічны рэгіён	Паўднёвая Азія
Лакалізацыя	захад Гангскай раўніны
Датаванне	XII стагоддзе да н.э. — VI стагоддзе да н.э.
Носьбіты	арыі
Тып гаспадаркі	жывёлагадоўля, земляробства
Пераемнасць
Культура чорнай і чырвонай керамікі → Культура паўночнай чорнай глянцаванай керамікі
Медыяфайлы на Вікісховішчы

Культура шэрай размаляванай керамікі — археалагічная культура на поўначы Індыі (XII стагоддзе да н.э. — VI стагоддзе да н.э.), якую атаясняюць з распаўсюджаннем уплыву індаарыяў у Паўднёвай Азіі.

Характэрнай прыкметай культуры былі шэрыя танкасценныя ганчарныя вырабы, з’яўленне жалезных прылад і вялікіх паселішчаў з протагарадскім ладам. Вялікія паселішчы вылучаліся на фоне малых. Адзін з найбуйнейшых протагарадскіх цэнтраў існаваў у Матхуры. Насельніцтва займалася жывёлагадоўляй і земляробствам, карысталася тэракотавымі статуэткамі і рытуальнымі талеркападобнымі пласцінамі. Назіраецца істотная розніца накаплення розных рэчаў у асобных будынках, што можа значыць сацыяльнае распластаванне і ўзнікненне каставага грамадства.

Спасылкі

• THE PAINTED GREY WARE CULTURE OF THE IRON AGE
• Pottery — Evolution and significance