Кумжа, ласось-таймень[1] (Salmo trutta) — рыба сямейства ласосевых.
Звычайныя памеры дарослых асобін кумжы вагаюцца ў залежнасці ад падвіда — да 30 — 70 см даўжыні і 1 — 5 кг вагі, некаторыя падвіды дасягаюць масы 24 кг, а даўжыні да 117 см.
Цела стройнае, пакрытае дробнай луской. Афарбоўка вар'іруецца ў залежнасці ад асяроддзя, спіна цёмна-шэрая або аліўкавая, бакі светлыя з чорнымі і чырвонымі плямамі.
Утварае шмат форм ад прахадных (марскіх) да жылых прэснаводных (азёрных і ручаёвых). Падвід Salmo trutta morpha fario на Беларусі называюць стронга ручаёвая.
