Курця-Веке

Славутасць
Курця-Веке
44°25′49″ пн. ш. 26°06′03″ у. д.
Краіна	Румынія
Месцазнаходжанне	Бухарэст
Архітэктурны стыль	Brâncovenesc art[d]
Медыяфайлы на Вікісховішчы

Ку́рця-Ве́ке (рум.: Curtea Veche — Стары двор), або Княжацкі двор (рум.: Curtea Domnească din Bucureşti) — ансамбль пабудоў у Бухарэсце пры палацы кіраўнікоў Валахіі і Румыніі. Уключае ў сябе таксама царкву Курця-Веке — храм Св. Антона і двор Ханул-луі-Манук.

Гісторыя

Курця-Веке і помнік Уладу Цэпешу

У сярэдзіне XV стагоддзя Улад III Цэпеш пабудаваў на месцы ўмацаванняў XIV стагоддзя крэпасць, у якой 20 верасня 1459 года быў падпісаны афіцыйны дакумент, у якім упершыню згадваецца Бухарэст.

Праз стагоддзе гаспадар Мірча Чабанул пабудаваў у крэпасці царкву Святога Антона, у якой пазней каранаваліся кіраўнікі Румыніі. Цяпер гэта найстарэйшая царква Бухарэста. У XVIII стагоддзі межы крэпасці пашырыліся, па загаду кіраўніка Аляксандра Іпсілонты быў пабудаваны палац для ваяводаў, а крэпасць сталі называць Стары двор.

Археалагічныя раскопкі, якія праводзіліся на месцы крэпасці з 1953 года, дазволілі зрабіць з яе руінаў музей на вольным паветры.

Спасылкі

• На Вікісховішчы ёсць медыяфайлы па тэме Курця-Веке
• crestinortodox.ro, Curtea Veche din Bucuresti (рум.)
• Museum Old Court (англ.)