Кус-кус (крупы)

З Вікіпедыі, свабоднай энцыклапедыі
Кус-кус
Прамыслова выраблены кус-кус у рознічнай упакоўцы.

Кус-кус, кускус (араб. كسكس) — крупы або макаронныя вырабы магрыбскага або берберскага паходжання. З кус-куса гатуюць традыцыйную аднайменную страву з мясам, рыбай, гароднінай або сухафруктамі, залежна ад рэгіёну і заможнасці спажыўцоў.

Распаўсюджанне[правіць | правіць зыходнік]

Кус-кус -- адзін з традыцыйных асноўных прадуктаў харчавання ў краінах Магрыбу, у прыватнасці Марока, Алжыры,[1] Тунісе, Лівіі і іншых частках Афрыкі, некаторых рэгіёнах Блізкага Усходу.

Цяпер кус-кус спажываюць таксама ў большасці краін Еўропы, ЗША, Канадзе і іншых, як альтэрнатыву мясцовым традыцыйным гарнірам.

Вытворчасць[правіць | правіць зыходнік]

Звычайна вырабляюць з дробных манных круп з цвёрдай пшаніцы (Triticum durum). Манныя крупы апырскваюць вадой, атрыманую масу пераціраюць рукамі і такім чынам фармуюць драбкі, якія потым абсыпаюць сухой маннай або мукой, пасля прасейваюць. Маленькія драбкі, якія праходзяць праз сіта, зноў абсыпаюць маннай і г.д. Дыяметр драбкоў мусіць быць каля 1 мм.

Кус-кус вырабляюць і з іншых злакаў.

Зноскі

  1. Luce Ben Aben, Moorish Women Preparing Couscous, Algiers, Algeria. World Digital Library (11 сакавіка 1899). Праверана 26 верасня 2013.