Кэсідзі Кук

Кэсідзі Кук
Агульная інфармацыя
Пол	жанчына
Спецыялізацыя	скачкі ў ваду
Нарадзілася	9 мая 1995(1995-05-09) (29 гадоў) Plantation, Броўард[d], Фларыда, ЗША
Грамадзянства	ЗША
Альма-матар	The Woodlands High School[d]
Рост	160 см
Вага	56 кг
Медыяфайлы на Вікісховішчы

Кэсідзі Кук (англ.: Kassidy Cook; нар. 9 мая 1995, Плантэйшэн, Фларыда) — амерыканская скакуха ў ваду, сярэбраны прызёр летніх Алімпійскіх гульняў 2024 года. Удзельніца летніх Алімпійскіх гульняў 2016 і 2024 гадоў.

Біяграфія

Кэсідзі Кук нарадзілася ў 1995 годзе ў Плантэйшэне, штат Фларыда, у ЗША. Пятае дзіця ў сям’і Кевіна і Лоры Кук. Скачкамі ў ваду займаецца з чатырохгадовага ўзросту. Кэсідзі скончыла сярэднюю школу Вудлендс у 2013 годзе і Стэнфардскі ўніверсітэт у 2018 годзе.

У 2016 годзе брала ўдзел у летніх Алімпійскіх гульнях у Рыа-дэ-Жанейра. У спаборніцтвах на трохметровым трампліне не змагла кваліфікавацца ў фінал, заняла выніковае трынаццатае месца, набраўшы ў паўфінале 304,35 бала.

На летніх алімпійскіх гульнях у Парыжы, у сінхронных скачках з трохметровага трампліна стала сярэбраным прызёрам алімпійскага турніру. Яе партнёркай была Сара Бэкан, а выніковы вынік склаў — 314,64 бала.