Кіджандон
|
Кіджандон
Кіджандон на карце КНДР   | ||||
Кіджандон (кар. 기정동, 機井洞) — вёска ў Паўночнай Карэі, размешчаная ў Дэмілітарызаванай зоне. У заходніх СМІ часта называецца «прапагандысцкай вёскай» (the Propaganda Village).
У цалкам закрытай Паўночнай Карэі гэта адзіны населены пункт, які можна назіраць з тэрыторыі Паўднёвай Карэі.
Паводле афіцыйнай пазіцыі Паўночнай Карэі, у вёсцы пражываюць 200 сем’яў калгаснікаў, там размешчаны дзіцячы сад, дзве школы (пачатковая і сярэдняя), бальніца[1].
Гісторыя збудавання[правіць | правіць зыходнік]
Вёска была пабудавана ў 1950-х гадах і ўяўляла сабой мноства ярка афарбаваных дамоў з відавочнымі прыкметамі электрыфікацыі (на той момант — раскоша для сельскай мясцовасці як Паўночнай, так і Паўднёвай Карэі).
Сцвярджэнне аб тым, што Кіджандон з’яўляецца пацёмкінскай вёскай, грунтуецца на наступных назіраннях:
- Святло ў вокнах загараецца, але строга ў адных і тых жа частках будынкаў і ў адзін і той жа час.
- У асобных частках вёскі зрэдку з’яўляюцца толькі будаўнікі, а ў астатні час на вуліцах не відаць нікога, акрамя салдат і жанчын, якія мыюць вокны.
- Жанчыны — адны і тыя ж на працягу 15 гадоў[2].
Пасля з’яўлення магутнай аптычнай тэхнікі паўднёвакарэйцы даказалі, што будынкі ўяўляюць сабой толькі «скрынкі», без унутраных памяшканняў.
Да 2004 года наймагутныя дынамікі, устаноўленыя на будынках Кіджандона, транслявалі перадачы, якія ўсхваляюць годнасць жыцця ў Паўночнай Карэі, і якія сцвярджаюць, што паўднёвакарэйцы, якія перайшлі мяжу, будуць сустрэтыя як браты. У 2004 годзе, мабыць, зразумеўшы, што эфектыўнасць такіх перадач — мінімальная, іх змест памянялі на простую антызаходнюю прапаганду і патрыятычныя маршы. Аб’ём вяшчання складаў 20 гадзін у дзень.
У тым жа годзе ўрад Паўднёвай Карэі вырашыў, нарэшце, прыняць своеасаблівыя меры ў адказ. У паўднёвакарэйскай вёсцы Пханмунджом, якая знаходзіцца за 1,8 км ад Кіджандона, былі ўсталяваныя ўласныя равучыя дынамікі, якія сталі трансляваць паўднёвакарэйскую рок-музыку.
У выніку шум у раёне дэмілітарызаванай зоны стаў абсалютна невыносным, і па сакрэтным пагадненні абодва бакі адключылі дынамікі.
Падобнае спаборніцтва разгарнулася і ў сферы вышыні флагштокаў, устаноўленых, адпаведна, у вёсцы Кіджандон і на паўднёвакарэйскай тэрыторыі. Абодва бакі напераменку нарошчвалі вышыню флагштокаў.
Вынікам гэтага спаборніцтва, празванага Заходнімі СМІ «вайной флагштокаў» (англ.: flagpole war), стаў на той момант высокі ў свеце флагшток Кіджандона: яго вышыня складае 160 метраў. Вага сцяга — 270 кілаграмаў, а для яго ўздыму патрабуецца 50 чалавек.
Аднак Кніга рэкордаў Гінеса адмаўляецца называць збудаваную канструкцыю флагштокам, называючы так толькі структуру, якая не падтрымваецца (англ.: free-standing), вертыкальны слуп.
Гл. таксама[правіць | правіць зыходнік]
- Акаба — курортны горад у Іарданіі, дзе знаходзіцца флагшток, бачны з суседніх краін
- Пацёмкінскія вёскі
Зноскі
- ↑ A Sightseeng Guide to Korea by Pang Hwon Ju & Hwang Bong Hyok, Foreign Languages Publishing House, Pyongyang, DPRK. 1991
- ↑ A dictatorship’s delights | The-Latest.com. Архівавана з першакрыніцы 6 кастрычніка 2008.
Спасылкі[правіць | правіць зыходнік]
- http://www.tourdmz.com/02dmz/p3-2.phpАрхівавана 17 ліпеня 2011.
- http://www.the-latest.com/a-dictatorships-delightsАрхівавана 6 кастрычніка 2008. A dictatorship’s delights
- http://news.bbc.co.uk/1/hi/world/middle_east/2979812.stmАрхівавана 22 жніўня 2017. Jordan flagpole hits new heights
- http://www.nkeconwatch.com/2008/08/18/the-dprks-tallest-flagpole-in-the-world/Архівавана 15 красавіка 2009. The DPRK’s «tallest flagpole in the world»