Лі Цын’юнь

З пляцоўкі Вікіпедыя
(Пасля перасылкі з Лі Цын'юнь)
Перайсці да: рух, знайсці
Лі Цын'юнь
李清雲
Лі Цын'юнь з корнем жэньшэня ў руках
Лі Цын'юнь з корнем жэньшэня ў руках
Род дзейнасці:

гандляр лячэбнымі травамі, урач

Дата нараджэння:

мерк. 1677 ці мерк. 1736

Месца нараджэння:

правінцыя Сычуань, Кітай

Грамадзянства:

Імперыя Цын Кітайская Рэспубліка Кітайская Рэспубліка Кітай

Дата смерці:

6 мая 1933(1933-05-06)

Месца смерці:

Правінцыя Сычуань, Кітайская рэспубліка

Лі Цын'юнь ( кіт. спр. 李清雲 , піньінь: Lǐ Qīngyún, пал.: Лі Цын'юнь, пам. 1933) — неверыфіцыраваны кітайскі звышдоўгажыхар.

Жыццё і смерць Лі[правіць | правіць зыходнік]

Лі Цын'юнь нарадзіўся у 1677 годзе ў Ціцзянсяне, правінцыя Сычуань. Большую частку жыцця ён правёў у гарах Сычуань, збіраў лячэбныя травы і спасцігаў таямніцы даўгалецця. У 1748 годзе, калі Лі Цын'юню быў 71 год, ён пераехаў у Кайсянь, каб далучыцца да кітайскай арміі ў ролі настаўніка баявых мастацтваў і ваеннага саветніка.

У 1927 годзе Лі Цын'юнь быў запрошаны ў Ваньсянь да губернатара Сычуаня генерала Ян Сэня. Генерал быў захоплены маладжавасцю, сілай і майстэрствам Лі пры неверагодным ўзросце апошняга. Падчас гэтага візіту была зроблена знакамітая фатаграфія Лі. Пасля гэтай сустрэчы Лі Цын'юнь вярнуўся ў родны край і праз 6 гадоў сканаў. Існуе легенда, што перад смерцю ён сказаў сябрам: «Я зрабіў усё, што павінен быў зрабіць у гэтым свеце. Я адпраўляюся дадому», — і пасля гэтага выпусціў дух.

Пасля смерці Лі генерал Ян Сэнь вырашыў даведацца праўду пра яго жыццё і ўзрост. Ён зрабіў запісы, якія пазней былі выдадзеныя. У 1933 годзе людзі ўзялі інтэрв'ю ў сваякоў і дзяцей Лі. Адны казалі, што ён быў стары заўсёды, колькі яны сябе памятаюць, іншыя паведамілі, што ён сябраваў з іх дзядулямі.

Хоць некаторыя гісторыкі сцвярджаюць, што такі чалавек сапраўды існаваў, большасць дадзеных не дазваляе лічыць гісторыю пра яго чымсьці іншым, чым міфам. Адно з магчымых тлумачэнняў зараджэння легенд пра Лі Цын'юня — знаёмства некаторых біёграфаў з рознымі прадстаўнікамі адной дынастыі, якія, магчыма, і адрозніваліся доўгажыхарствам у разумных межах. Найбольш верагоднае ж тлумачэнне — скажэнне фактаў на этапе збору разрозненых звестак.

Сакрэт даўгалецця[правіць | правіць зыходнік]

Калі верыць чуткам, у яго было 200 нашчадкаў і 24 жонкі, 23 з якіх ён перажыў, а 24-я стала яго ўдавой. І гэта цалкам магчыма, калі ён і сапраўды жыў 256 гадоў. На пытанне аб сакрэце даўгалецця ён адказаў:

утрымлівайце цішэй сэрца,

сядзіце як чарапаха,
ідзіце бадзёрым падобна голубу

і спіце падобна сабацы.

Імаверна, гаворка ішла аб захаванні спакойнага псіхічнага стану чалавека і добрага сну. Вядома толькі, што на працягу ўсяго жыцця ён выконваў спецыяльныя дыхальныя практыкаванні цыгун, а таксама піў настой з траў, рэцэпт якога згублены або невядомы.

Узрост[правіць | правіць зыходнік]

Каб лепш усвядоміць велічыню ўзросту Лі, можна прывесці факты:

  • Калі Лі сапраўды жыў 256 гадоў, то гэта безумоўны рэкорд сярод працягласці жыцця рэальных, не міфічных людзей.
  • Лі мог перажыць ўсіх расійскіх імператараў пачынаючы з Пятра I (які нарадзіўся ўсяго на 5 гадоў раней Лі) і заканчваючы Мікалаем II і яшчэ заспеў 16 гадоў савецкай улады.
  • Лі, калі ён сапраўды столькі жыў, мог быць адзіным, хто бачыў сваіх дзяцей, унукаў, праўнукаў, прапраўнукаў, прапрапраўнукаў, прапрапрапраўнукаў, а магчыма і пазнейшых нашчадкаў.

Зноскі

Спасылкі[правіць | правіць зыходнік]