Моа — вымерлыя гіганцкія птушкі атрада моападобных. Жылі ў Новай Зеландыі. Не мелі крылаў (і нават іх рудыментаў). Вядомыя 15 відаў, усе вымерлыя: самыя буйныя з іх, Dinornis robustus і Dinornis novaezelandiae, дасягалі ў вышыню каля 3,6 м і важылі каля 250 кг. Па спосабе харчавання — траваедныя (сілкаваліся лісцем, парасткамі, садавінай). Мяркуюць, што моа вымерлі каля 1500 г., знішчаныя першабытнікамі маоры. Па непацверджаных сведчаннях, асобныя прадстаўнікі віду Megalapteryx didinus яшчэ сустракаліся ў канцы XVIII — пачатку XIX стагоддзя.
Аналіз ДНК паказвае, што бліжэйшым сучасным сваяком моа з'яўляецца Тынаму.
.png)
