Музей Юзафа Пілсудскага (Суляёвак)

Музей Юзафа Пілсудскага
Заснаваны	10 лістапада 2008
Месцазнаходжанне	Суляёвак
muzeumpilsudski.pl
Медыяфайлы на Вікісховішчы

Музей Юзафа Пілсудскага — музейная ўстанова ў г. Суляёвак прысвечаная Юзафу Пілсудскаму.

Гісторыя

У 1921 годзе два зямельныя ўчасткі купіла будучая жонка маршала Аляксандра Шчарбінска. На адным з гэтых участкаў знаходзілася драўляная дача з гаспадарчымі пабудовамі. Сам Пілсудскі адсутнічаў падчас куплі, але пагадзіўся на яе. У Суляёвак ён прыехаў некалькі месяцаў пазней.

У маі 1923 года сям’я Пілсудскіх пераехала ў новы, пабудаваны побач драўлянага дом. Новы будынак быў пабудаваны за сабраныя сярод жаўнераў грошы. Гэта быў знак удзячнасці польскага народа для маршала.

У памяць аб гэтай падзеі на пярэдняй сценцы асабняка былі ўсталяваныя дзве памятныя дошкі.

Аўтарам праекту дому быў Казімеж Скуркевіч. Дом быў пабудаваны ў нацыянальным стылі «шляхецкай сядзібы» і атрымаў назву «Мілюсін».

Калі сям’я пераехала ў новы дом, драўляная дача стала службовай кватэрай для жаўнераў, якія ахоўвалі сям’ю Пілсудскіх.

У сядзібе Юзаф Пілсудскі жыў да 1926 года.

Пасля майскага перавароту Пілсудскія пераехалі ў Бельведэр. У «Мілюсін» яны прыяжджалі адпачываць і арганізоўваліся сямейныя святы. Юзаф Пілсудскі ў апошні раз наведаў дом 15 красавіка 1935 года.

Пасьля смерці Юзафа Пілсудскага ў 1935 годзе ўдава вырашыла пакінуць «Мілюсін». Месца хутка атрымала сімвалічны характар.

Мілюсін наведвалі школьныя экскурсіі і польскія афіцэры. Падчас нямецкай акупацыі ўся нерухомасць апынулася на тэрыторыі цэнтру Абвера — органа ваеннай разведкі і контрразведкі Трэцяга Рэйху.

Тут адбывалася падрыхтоўка гітлераўскіх агентаў, якія пазней працавалі на тэрыторыі Савецкага Саюза. Хоць мэбля і абсталяванне захаваліся пасля вайны ў амаль непашкоджаным стане, то ў 1947 годзе ўсё знікла. Тады была ўведзеная таксама забарона на наведванне сядзібы. Да сярэдзіны 1950-х гадоў адміністратарам будынку з’яўлялася савецкае пасольства ў Польшчы.

Пасля 1956 года ў «Мілюсіне» дзейнічаў дзіцячы садок.

Сям’я Пілсудскіх атрымала назад нерухомасць толькі ў 2000 годзе пасля таго, як у 1990-х гадах дочкі Пілсудскага вярнуліся ў Польшчу з эміграцыі і заснавалі Фонд сям’і Юзэфа Пілсудскага.

У 2008 годзе быў заснаваны Музэй Юзэфа Пілсудскага. З гэтага часу дом Юзэфа Пілсудскага можна наведваць.

Побач з гістарычным домам маршала пабудаваны сучасны музэйны комплекс, прысвечанага Юзэфу Пілсудскаму. Плошча сучаснага аб’екту складзе каля 5 тысяч квадратных метраў.

Фонды

Сярод шматлікіх экспанатаў варта звярнуць увагу на фрагмент помніка аўтарства Альфонса Карнага. Гэта буйнагабарытная галава Юзафа Пілсудскага. Помнік быў адкрыты ў 1936 годзе ў Браславе. Яго фрагмент, г.зн. галава, захоўваўся ў сакрэце на працягу некалькіх дзесяцігоддзяў. Толькі ў 2003 годзе ён быў перададзены ў Музей.

Дом «Мілюсін» разам з захаваным у амаль непарушанай форме агародам па сённяшні дзень з’яўляецца адным з найважнейшых месцаў, звязаных з маршалам Юзафам Пілсудскім.