Новасібірская ЦЭЦ-5

Новасібірская ЦЭЦ-5

Новасібірская ЦЭЦ-5 — прадпрыемства энергетыкі, цеплаэлектрацэнтраль у Новасібірску, уваходзіць у структуру холдынгу «Сібірская генеравальная кампанія». Размешчана ў Кастрычніцкім раёне. Адна з дымавых труб ЦЭЦ вышынёй 260 метраў з’яўляецца самым высокім збудаваннем Новасібірска.

У 1971 годзе было прынята рашэнне пра будаўніцтва новай электрастанцыі ў Новасібірску, ЦЭЦ-5. Згодна з пастановай Савета Міністраў СССР ад 1971 года, мясцовы філіял Цеплаэлектрапраекта пачаў праектаванне станцыі. Па задуме праекціроўшчыкаў, станцыя павінна была стаць адной з самых магутных цеплаэлектрацэнтраляў краіны. Праект ЦЭЦ-5 магутнасцю 1200 тысяч квт распрацоўваўся пад кіраўніцтвам галоўнага інжынера Б. А. Валашчанкі. Кошт будаўніча-мантажных работ ацэньваўся ў 100 млн рублёў (у коштах тых гадоў).

Станцыя павінна была пачаць працу ўжо ў 1976 годзе, пачаўшы абаграваць з пабудаванай вадагрэйнай кацельні тры раёны горада (Дзяржынскі, Першамайскі і Цэнтральны), а таксама жылы масіў Валачаеўскі. Пуск першага энергетычнага агрэгата (з 12) быў прызначаны на 1979 год.

Будаўніцтва станцыі вялося сіламі дзвюх арганізацый — трэстамі «Захсібтрансбуд» і «Сібэнергабуд». Узвядзенне аднаго з самых высокіх збудаванняў станцыі — дымавой трубы (вышынёй 260 метраў) пачалося ў 1970-я гады.

Пуск

У 1977 годзе была запушчана кацельня з катлом № 1, а праз два гады на ёй працавала ўжо 4 вадагрэйныя катлы.

Асноўныя працы па першым энергаблоку скончыліся ў 1985 годзе. У кастрычніку таго ж года ён быў пушчаны ў эксплуатацыю.

Праектам прадугледжвалася ўзвядзенне шасці энергаблокаў. Да 1994 году на станцыі былі ўведзены ў эксплуатацыю пяць блокаў. Будаўніцтва шостага пачалося ў тым жа 1994 годзе, але з-за складанай эканамічнай сітуацыі ў краіне і праблем з фінансаваннем праекта будаўніцтва энергаблока было замарожана. І толькі ў верасні 2004 года ён быў пушчаны ў эксплуатацыю.

З’яўлялася канчатковым пунктам вугляправода Бялова-Новасібірск. Агулам было спалена 350 тысяч тон водавугальнага паліва.

З восені 2018 года Новасібірская ЦЭЦ-5 перайшла на спальванне бурага вугалю Барадзінскага разрэзу.