Онушкіс

Мястэчка Онушкіс літ.: Onuškis Герб Касцёл Краіна Літва Павет Вільнюскі Раён Тракайскі Сянюнія Онушкіская Каардынаты 54°29′10″ пн. ш. 24°35′30″ у. д. Ранейшыя назвы Ганусішкі Вышыня цэнтра 147 м Насельніцтва 519 чал. (2011) Часавы пояс UTC+2, летам UTC+3 Онушкіс на карце Літвы

Медыяфайлы на Вікісховішчы

О́нушкіс (літ.: Onuškis, традыцыйная беларуская назва — Ганусішкі) — мястэчка ў Тракайскім раёне Вільнюскага павета Літвы. Цэнтр Онушкіскай сянюніі. Размешчана на беразе Онушкіскага возера, за 30 км на паўднёвы захад ад Тракая. Насельніцтва на 2011 год — 519 чалавек.

Гісторыя

Вялікае Княства Літоўскае

Першы пісьмовы ўспамін пра Ганусішкі датуецца 1503 годам. У гэты час яны ўваходзілі ў склад Троцкага павета Троцкага ваяводства.

У 1511 годзе ў Ганусішках збудавалі першы касцёл. У 1524 годзе тут заснавалі мястэчка.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Ганусішкі апынуліся ў складзе Расійскай імперыі, у Троцкім павеце Віленскай губерні.

У XIX ст. у Ганусішках працавалі школа, вінакурня і млын.

Найноўшы час

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Ганусішкі апынуліся ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.

Насельніцтва

• XIX стагоддзе: 1879 год — 197 чал.
• XXI стагоддзе: 2011 год — 519 чал.

Славутасці

• Касцёл Святых Апосталаў Піліпа і Якуба (1829)

Спасылкі

• На Вікісховішчы ёсць медыяфайлы па тэме Онушкіс