Палац Агінскіх (Вільнюс)
| Славутасць | |
| Палац Агінскіх | |
|---|---|
| Oginskių rūmai | |
 | |
| 54°40′36″ пн. ш. 25°17′08″ у. д.HGЯO | |
| Краіна | |
| Месцазнаходжанне | |
| Архітэктурны стыль | класіцызм |
 |
|
Пала́ц Агі́нскіх — помнік архітэктуры XVIII ст. у Вільнюсе. Знаходзіцца ў Старым Горадзе, паміж вуліцамі Конскай і Рудніцкай, па адрасе вуліца Конская, 5. Твор архітэктуры барока і класіцызму. Аб'ект Рэгістра культурных каштоўнасцей Літвы.
Гісторыя[правіць | правіць зыходнік]
У сярэдзіне XVII — XVIII стагоддзях князі Агінскія набылі тут некалькі камяніц. У першай палове XVIII ст. Ігнацій Агінскі (1698—1775) збудаваў вялікі корпус палаца, у сярэдзіне XVIII ст. — малы корпус з флігелем.
Пазней будынкі рэканструявалі ў стылі класіцызму: фасад з боку Конскай вуліцы — архітэктар Ян Хаўтынг, фасад з боку Рудніцкай вуліцы — Тамаш Русэль. У сярэдзіне XIX ст. комплекс дапоўнілі жылым будынкам. У другой палове XIX ст. ў залы палаца праходзілі шляхецкія сходы, балі і канцэрты.
У міжваенны перыяд у будынках размяшчаліся яўрэйская гімназія, майстэрні, абутковая фабрыка, гандлёвыя крамы, кватэры. У Другую сусветную вайну ў частцы будынкаў палаца дзейнічаў тэатр вільнюскага гета.
Пасля вайны ў палацы некаторы час размяшчаўся дом культуры міліцыі. У 1972—1982 гадах галоўны будынак ансамбля прыстасавалі пад лялечны тэатр «Леле» і Моладзевы тэатр[1].
Зноскі
- ↑ Levandauskas V. Oginskių rūmai // Lietuvos TSR istorijos ir kultūros paminklų sąvadas. — Vilnius: Vyriausioji enciklopedijų redakcija, 1988. С. 99—101.
Спасылкі[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх- Культурная спадчына Літвы(недаступная спасылка) (літ.)
- Гісторыя палаца Архівавана 5 сакавіка 2016. (літ.)
