Парк Фарэсталь
| Парк Фарэсталь | |
|---|---|
 | |
| Асноўная інфармацыя | |
| Тып | Грамадскі парк |
| Плошча | 171,9 км² га |
 Медыяфайлы на Вікісховішчы | |
Парк Фарэсталь — гарадскі парк у сталіцы Чылі горадзе Сант’яга. Парк быў закладзены ў 1905 годзе на меліяраваных землях у даліне ракі Мапоча і знаходзіцца ў гістарычным цэнтры горада, на захад ад Пласа Бакведана і на ўсход ад Культурнага цэнтра Мапоча. З поўначы ён абмежаваны праспектам Санта-Марыя, на поўдні — вуліцай Мерсэд, на захадзе — вуліцай Ісмаэля Вальдэса Вергара. На сваім усходнім канцы парк пераходзіць у парк Бальмаседа, ствараючы амаль суцэльны ўчастак зеляніны ўздоўж ракі Мапоча.
У парку знаходзяцца Нацыянальны музей выяўленчага мастацтва і музыкі і Музей сучаснага мастацтва, насупраць парка на вуліцы Мерсэд знаходзіцца Паласіё Бруна.
Адметнымі асаблівасцямі парка з'яўляюцца яго тры алеі ўсходніх платанаў, а таксама насаджэнні бананавых дрэваў. У парку знаходзяцца помнікі лацінаамерыканскаму паэту Рубену Дарыё, пісьменнікам эпохі вызвалення, а таксама Хрыстафору Калумбу. Амаль кожны дзень тут праходзяць кніжныя кірмашы і культурныя фестывалі, на сцэне адкрытага тэатра ладзяць паказы акцёры.
Спасылкі
[правіць | правіць зыходнік]Гісторыя парка Фарэсталь на сайце Славутасці Чылі (www.monumentos.cl)