Паўстанне спартакістаў

Баі на барыкадах. Берлін, студзень 1919 года.

Паўстанне спартакістаў, або Студзеньскае паўстанне (ням.: Spartakusaufstand; Januaraufstand) — перыяд усеагульных забастовак і ўзброенай барацьбы ў Берліне з 5 па 12 студзеня 1919 года, з задушэннем якіх скончылася Лістападаўская рэвалюцыя ў Германіі. У ходзе паўстання левыя групы (Камуністычная партыя Германіі, Незалежная сацыял-дэмакратычная партыя Германіі, спартакісты), якія настойвалі на ўсталяванні савецкай рэспублікі, супрацьстаялі контррэвалюцыйным атрадам фрайкараў, якія былі сфарміраваны з былой кайзераўскай арміі.