Пермскі тэатр оперы і балета імя П. І. Чайкоўскага

Пермскі тэатр оперы і балета імя П. І. Чайкоўскага
Заснаваны	1870
Адрас	614000, г. Пермь, ул. Петропавловская, д. 25а
Архітэктар	Рудольф Іосіфавіч Карвоўскі[d]
Мастацкі кіраўнік	Тэадор Курэнтзіс[d]
Галоўны дырыжор	Валерый Ігнацьевіч Платонаў[d]
Сайт	permopera.ru
Медыяфайлы на Вікісховішчы

Пермскі тэатр оперы і балета (поўная назва — Пермскі дзяржаўны ордэна Працоўнага Чырвонага Сцяга акадэмічны тэатр оперы і балета імя П. І. Чайкоўскага) — адзін з найстарэйшых музычных тэатраў у Расіі, ініцыятар Дзягілеўскага фестывалю і Конкурсу артыстаў балета «Арабеск» імя Кацярыны Максімавай.

Адзін з асноўных творчых прынцыпаў тэатра — асваенне ўсёй спадчыны кампазітара Пятра Ільіча Чайкоўскага.

Гісторыя

Пасля пажару 1842 года выступы першых антрэпрызных тэатраў праводзіліся ў саляным складзе Строганавых на беразе Камы, як найбольш прыдатным на той момант будынку. Трупа П. А. Сакалова адкрыла там свой першы ўральскі сезон у кастрычніку 1843 года.

У выніку поспеху гастралюючых тэатраў узнікла патрэбнасць у пабудове пастаяннага будынка для выступленняў такіх тэатраў. Спецыяльны драўляны будынак тэатра быў пабудаваны ў 1846 годзе побач з гаўптвахтай (пазней на месцы гаўптвахты — Марыінская жаночая гімназія), па Абвінскім завулку (вуліца 25 Кастрычніка). 20 верасня 1846 года ў гэтым будынку трупа П. А. Сакалова адкрыла сезон камедыяй «Паўбарскія задумы» А. А. Шахоўскага з хорамі і камічнымі балетамі.

У канцы 1863 года будынак тэатра згарэў, у 1864 годзе на плошчы перад будынкам думы, насупраць гасцявога двара, пабудаваны невялікі драўляны тэатр замест згарэлага. Новы гарадскі тэатр заснаваны 24 лістапада 1870 года. Першым прадстаўленнем стала опера М. І. Глінкі «Жыццё за цара». Сучасны будынак тэатра пабудаваны ў 1874—1880 гадах па праекце Р. І. Карвоўскага.