Джурджулешць (порт)

Міжнародны свабодны порт Джурджулешць — порт у Малдове за 133,8 км ад Чорнага мора, на левым беразе рэк Прут і Дунай. Порт выгодна размешчаны паблізу малдоўскай мяжы з Румыніяй і Украінай. Адзіны порт Малдовы з выхадам да мора.

Гісторыя

Міжнародны свабодны порт Джурджулешць валодае 480 метрамі берага Дуная, якія Малдова атрымала ад Украіны наўзамен участка тэрыторыі з дарогай каля сяла Паланка ў Штэфан-Водскім раёне Малдовы, з’яўляецца ўласнасцю Украіны. У 2006 годзе быў пабудаваны нафтаналіўны тэрмінал порта, а ў 2009 годзе — грузавы і пасажырскі марскі порт. Гэта дало магчымасць не марской краіне Малдове мець выхад да Чорнага мора і Сусветнага акіяна. Першы марскі пасажырскі карабель адплыў з порта Джурджулешць у Стамбул. Будаўніцтва тэрмінала для кантэйнераў пачалося ў 2012 годзе. Станам на 2015 год другі збожжавы тэрмінал знаходзіцца на стадыі будаўніцтва.

Характарыстыкі

Дзякуючы палажэнні на Ніжнім Дунаі з даступнай глыбінёй вады да 7 м, Міжнародны свабодны порт Джурджулешць (МСПД) здольны прымаць як судны ўнутранага плавання, так і марскія судны.

Порт можа прымаць караблі і рачныя баржы з уляганнем да 6,5 м і можа загрузіць або разгрузіць да 3-х розных відаў нафтапрадуктаў адначасова. Зімой порт замярзае і перавозкі ўскладняюцца.

Свабодная эканамічная зона

Уся тэрыторыя Міжнароднага сабоднага порта Джурджулешць (МСПД) мае статус свабоднай эканамічнай зоны да 2030 года. Свабодная эканамічная зона порта дае нацыянальным і міжнародным інвестарам спрыяльныя ўмовы для інвестыцый і бізнесу. Порт з’яўляецца рэгіянальным вузлом лагістыкі на мяжы з ЕС з доступам да аўтамагістраляў і чыгунак, рэк і Чорнага мора.

Джурджулешць прапануе патэнцыяльным інвестарам магчымасць заснаваць свой бізнес у рамках свайго бізнес-парку за кошт арэнды зямлі для інвестараў, офісныя будынкі, дэпазіты, адкрытыя сховішчы і г. д.

Спасылкі

• На Вікісховішчы ёсць медыяфайлы па тэме Джурджулешць (порт)
• Порт Джурджулешць афіцыйная старонка
• Інвестыцыі ў свабодную эканамічную зону Джурджулешць Архівавана 22 снежня 2015.